Qar, kóktaıǵaq, jańbyrǵa baılanysty trassada qalǵan avtokólikterdi tizbekpen ertip júrýdi qamtamasyz etti.
Aqmola polıseıleri 800-ge jýyq kólikten turatyn 5 avtotizbekti mejeli jerge jetkizdi, dep habarlaıdy Almaty-akshamy.kz polisia.kz telegram kanalyna silteme jasap.
Tártip saqshylary jol-kommýnaldyq qyzmettermen birlesip, kúrdeli klımattyq jaǵdaılar, ıaǵnı qar, kóktaıǵaq, jańbyr baıqalǵan avtojoldardyń jabylýyna baılanysty trassada qalǵan avtokólikterdi tizbekpen ertip júrýdi qamtamasyz etti.
Patrúldik jasaqtar 770 kólik quralyna, onyń ishinde 625 jeńil, 145 júk mashınalaryna birneshe baǵytta erip júrdi.
Atap aıtqanda, bul shara Ekaterınbýrg - Almaty halyqaralyq mańyzy bar trassasynyń Jaqsy kentinen Qajymuqan aýylyna deıingi, Astana - Petropavl respýblıkalyq mańyzy bar trassasynyń Qostanaı qalasy shekarasyna deıingi Jaqsy-Esil - Buzylyq, Astanadan Shýchınskige deıingi Jezqazǵan - Petropavl, sondaı-aq Qostanaı - Áýlıekól - Sýrǵan, Kókshetaý-Atbasar trassalary jáne Astana-Ereımentaý-SHiderti jolynda atqaryldy.
Polısıa júrgizýshilerden avtojoldardyń jabylǵany týraly habarlamany eskerýdi, eldi mekenderden tys jerlerge barmaýǵa keńes beredi.