Aqmola oblysynda prokýratýramen qaıtarylǵan aktıvter aýyl turǵyndaryn aýyz sýmen qamtamasyz etýge baǵyttaldy, - dep habarlaıdy Aqshamnes.kz tilshisi.
Aqmola oblysy Zerendi aýdanynyń Aqadyr aýylynda prokýratýra organdary qaıtarǵan aktıvter aýyl turǵyndaryn aýyz sýmen qamtamasyz etýge baǵyttaldy.
Bul qarajat esebinen uzyndyǵy 12 shaqyrym bolatyn sý qubyry jelileri men sý alý qurylystarynyń qurylysy júrgizilip jatyr.
Qazir aýyl turǵyndary aýyz sýdy paıdalanýda shekteýlerge tap bolyp otyr, negizgi sý kózi retinde kolonkalar men sý taratý pýnktteri qyzmet etip jatyr. Sý qubyry paıdalanýǵa berilgennen keıin 500-den asa turǵyn ortalyqtandyrylǵan aýyz sýmen qamtylady.
Merdiger uıym jumystyń sapasyn qamtamasyz etý men belgilengen merzimderdi qatań saqtaýǵa basa nazar aýdaryp otyr.
Qurylys barysy men qarajattyń maqsatty jumsalýy oblys prokýratýrasynyń turaqty baqylaýynda.