Qasym-Jomart Toqaev Máskeu jáne búkíl Reseı patrıarhy Kırıllmen kezdesu ótkízdí, - dep habarlaıdy Aqshamnews.kz tílshísí.
Memleket basshysy Álemdík jáne dástúrlí dínder kóshbasshylarynyń VIII cezíne qatysu úshín Astanaǵa kelgen Máskeu jáne búkíl Reseı patrıarhy Kırıllmen kezdestí.
Prezıdent búgíngí kezdesu Qazaqstan men Reseı arasyndaǵy yntymaqtastyqty tereńdetu jolyndaǵy taǵy bír mańyzdy qadam ekenín atap óttí.
– Eń aldymen, Sezge arnaıy kelgeníńíz úshín rızashylyǵymdy bíldíremín. Sízdíń būl jıynǵa qatysuyńyz, shyn mánínde, forumnyń tabysty ótu tūrǵysynan mańyzdy. Bíz Sízdí qūrmetteımíz. Ózíńízge málím, Qazaqstan men Reseı – strategıyalyq seríktes, odaqtas elder, – dedí Memleket basshysy.
Patrıarh Kırıll Qasym-Jomart Toqaevqa qonaqjaılyq tanytqany úshín alǵys aıtyp, Orys pravoslavıe shírkeuíníń mıssıyasy halyqtar arasyndaǵy beıbítshílík pen ózara túsínístíktí nyǵaıtu ekenín málímdedí.
– Qasıettí Qazaqstanǵa kelu mení árdaıym quantady. Būl bízdíń dostas elímíz. Ǵasyrlar boıy qatar ómír súríp kelemíz. Qazír memleketterímíz bólek bolǵanymen, dostyq, ózara qoldau jáne yntymaqtastyq tínín berík jalǵap otyrmyz, – dedí Máskeu Patrıarhatynyń basshysy.
Qasym-Jomart Toqaev ekí el arasyndaǵy ruhanı baılanystardy nyǵaıtuǵa qosqan úlesí úshín árí aıryqsha qūrmet belgísí retínde Máskeu jáne búkíl Reseı patrıarhy Kırılldí «Altyn Qyran» ordenímen marapattady.