Aqmola oblysynda qamqorshylyq organdarynyń zańsyz áreketterin áshkereledi, dep habarlaıdy Aqshamnews.kz tilshisi.
Oblystyq prokýratýranyń málimetinshe, kisi óltirgen adam óz-ózine jaýap bere almaıtyn tulǵalarǵa qamqorshy bolǵan. Zańnamaǵa sáıkes qylmys jasaǵandar nemese psıhıkalyq aýrýy bar azamattar esh jaǵdaıda qamqorshy ne qorǵanshy bola almaıdy. Alaıda tekseris barysynda Aqmola oblysynda eki áreketke qabiletsiz adamǵa kezinde kisi óltirgeni úshin sottalǵan tulǵanyń qamqorshy bolyp bekitilgeni anyqtalǵan. Sonymen qatar «shızofrenıa» dıagnozy bar bir azamat ta resmı túrde qamqorshy retinde tirkelgen.
Prokýratýra taǵy bir soraqy jaıtty habarlady: óńirde qaıtys bolǵan 28 turǵyn áli kúnge deıin «áreketke qabiletsiz» retinde esepten shyǵarylmaı, resmı tizimde turǵan.
Qadaǵalaý organy bul faktiler qamqorshylyq júıesindegi aýyr kemshilikterdi kórsetetinin jáne zań buzýshylyqtardy joıý boıynsha sharalar qabyldanatynyn málimdedi.