Almatydaǵy Saıran mańynda joǵary vóltti jelide jarylys boldy: zardap shekkender joq, dep habarlaıdy Aqshamnews.kz tilshisi.
Qala ákimdiginiń málimetinshe, 17 qarashada saǵat 08:53-de Ótegen batyr kóshesindegi «Suńqar» medortalyǵynyń avtoturaǵynda joǵary vóltti elektr jelisi jarylǵan.
Oqıǵa ornyna órt sóndirý qyzmeti, polısıa jáne jedel járdem 09:01-de jetken.
«Zardap shekkender joq. Izolásıalyq materıaldyń synyqtary medortalyqtyń terezelerin jáne bir jeńil avtokólikti zaqymdalǵan. AJK-nyń avarıalyq qyzmeti jolda kele jatyr», – dep habarlady ákimdik.
Jarylys saldarynan Áýezov aýdanyndaǵy 5, 8, 9, 10-shaǵynaýdandar jáne Saıran aýmaǵynda jaryq sóngen. 09:50-ge qaraı 10-shaǵynaýdannan basqa barlyq aýmaqqa elektr energıasy qaıta qosylǵan.
Aıta keteıik, búgin tańerteń Saıran kóliniń mańynda jarylys daýysy estilgeni týraly turǵyndar áleýmettik jelilerde jazǵan edi. Sol sátte kóptegen úılerde jaryq óshken.
Almaty qalasynyń TJD dereginshe, 08:53-de Ótegen batyr kóshesinde transformatordyń janǵany týraly habarlama túsken.
Elektr jelisindegi apattyń sebepteri anyqtalyp jatyr.