«Aqkent» yqshamaýdanyndaǵy órt kezinde terezeden sekirip dene jaraqatyn alǵan 35 jastaǵy naýqas búgin ambýlatorlyq em qabyldaýǵa aýrýhanadan shyqty, dep habarlaıdy almaty-akshamy.kz Almaty qalalyq qoǵamdyq densaýlyq saqtaý basqarmasyna silteme jasap.
«1 tamyzda №7 qalalyq klınıkalyq aýrýhananyń jedel járdem bólimine 1988 jyly týǵan naýqas aýyr halde jetkizildi. Klınıkalyq jáne zerthanalyq tekserýden keıin dereý jansaqtaý bólimine jatqyzyldy. Dárigerler oǵan katajaraqat, kóptegen synyq, ysqa ýlaný dıagnozyn qoıdy. Reanımasıa bóliminde shokqa qarsy sharalar», - dep habarlady Almaty qalalyq qoǵamdyq densaýlyq saqtaý basqarmasynyń baspasóz qyzmetinen.
3 tamyzda jaǵdaıy turaqtalyp, polıjaraqattaný bólimine aýystyryldy, onda sımptomatıkalyq terapıa jalǵasty. Tıisti mamandardyń qatysýymen eki ret konsılıým ótkizildi. Búgin naýqas ambýlatorlyq emge shyǵaryldy, jaǵdaıy qanaǵattanarlyq.
№7 qalalyq klınıkalyq aýrýhanada órtten zardap shekken taǵy bir adam em qabyldap jatyr.
«2004 jyly týǵan ekinshi naýqas ta aýyr halde jetkizilgen bolatyn. Oǵan bas súıeginiń rezeksıalyq trepanasıasy operasıasy jasaldy. Ol eki kún jansaqtaý bóliminde jatyp, sodan keıin neırohırýrgıa bólimine aýystyryldy. Jaǵdaıy turaqty. Neırohırýrgıalyq bólimshe jaǵdaıynda em alyp jatyr», - dep tolyqtyrdy vedomstvodan.