Almatyda «Aqkent» turǵyn úı kesheninde bir páterli úıden órt shyqty.
Almatyda «Aqkent» turǵyn úı kesheniniń turǵyndary túngi ýaqytta taǵy órt sóndirýshilerdi shaqyrdy, dep habarlaıdy Almaty-akshamy.kz.
Almaty qalalyq tótenshe jaǵdaılar departamentiniń málimeti boıynsha, órtsóndirýshiler 8 tamyz, saǵat túngi 03:45-te Alataý aýdany, «Aqkent» shaǵyn aýdany, 68 úıden shyqqan órtti sóndirdi.
«9 qabatty úıdiń 2-shi qabatyndaǵy 1 bólmeli páter ishindegi S=30 m2 aýmaqta úı turmysyndaǵy zattar órtendi (matras, zaqymdalǵan as úı jıyntyǵy)», - dep habarlady TJD-da.
Turǵyndar taǵy da uıymshyldyq tanytyp, órt sóndirý kólikterine jol ashyp, jolda turǵan kólikterdi joldan ıterip tastaǵan. Oqıǵanyń vıdeosy jelige tarady.