Almatydaǵy «Aqjar» shaǵyn aýdanynyń 22 myńnan astam turǵyny 2023 jyldyń 1 tamyzynan bastap jańa sý qubyr tartyp, aýyz sýmen qamtamasyz etiledi
Bıyl 31 shildede jalpy uzyndyǵy 3,4 km jańa qubyrdy syǵymdaýdy aıaqtaý josparlanǵan, bul sátti bolǵan jaǵdaıda Almatynyń Naýryzbaı aýdany «Aqjar» shaǵyn aýdanyndaǵy jańa sý qubyry tarmaǵy men sorǵy stansıasy jumys isteıdi. Osy shaǵyn aýdanda turatyn 22 myńnan astam turǵyn jer asty kózderinen úzdiksiz sýmen jabdyqtaýǵa qol jetkize alady, dep habarlaıdy Almaty-akshamy.kz.
Dıametri 400 mm sý qubyry «Aqjar» shaǵyn aýdanynda magıstraldyq sý qubyry jáne káriz jelilerin salý baǵdarlamasy aıasynda salyndy. Jobada barlyǵy 28,8 km ınjenerlik jeli salý kózdelgen, qazir jumys aıaqtalyp keledi.
Buǵan qosa, qala bıligi Naýryzbaı aýdanynyń ınjenerlik ınfraqurylymyn damytý boıynsha jumysty jalǵastyryp otyr. Máselen, búginde 130 km sý qubyry jáne 65 km káriz jelisi salyndy. Bıyl Qarǵaly ózeninde jańa súzgi stansıasynyń qurylysy bitedi. 2025 jylǵa deıin Aqsaı ózeninde osyndaı súzgi stansıasynyń qurylysyn aıaqtaý kózdelgen. Bul is-sharalar Naýryzbaı aýdanynyń 150 myń turǵynyn turaqty sýmen qamtamasyz etýge múmkindik beredi.
Buryn habarlanǵandaı, muzdyqtardyń qatty erýinen paıda bolǵan taý ózenderindegi sel aǵyndary Almatynyń Naýryzbaı aýdanyndaǵy sý jınaýdy shektedi.