Almaty qalasynyń shetindegi 215 kóshe jol-jóndeý jumystarymen qamtylady.
Almatyda jol jóndeý jumystary júrgizilýde. Bul rette, megapolıs ákimi Erbolat Dosaevtyń tapsyrmasy boıynsha Almatyǵa qosylǵan aýdandarda jańa joldar salýǵa erekshe kóńil bólinedi. Qala shetindegi joldarda asfáltbeton jabyny bolmady. Osy aýdandarda eń aldymen ınjenerlik jelilerdiń qurylysy júrgizilýde, keıin sońǵy kezeń retinde asfált tóselýde.
Máselen, aǵymdaǵy jyly Almatyda uzyndyǵy 200 km bolatyn 230 kósheni ortasha jóndeýmen qamtý josparlanýda (200 km joldyń 73-i Naýryzbaı jáne Alataý aýdandarynda). 215 kóshe aýdandyq mańyzy bar kósheler bolyp tabylady. Qalanyń shet aımaqtaryndaǵy Alǵabas, Terekti, Tomırıs, Qarasý, Aqbulaq, Zerdeli, Shapaǵat, Shuǵyla, Taýsamaly, Qalqaman, Rahat, Jas Qanat shaǵyn aýdandaryna erekshe kóńil bólindi.
Bekitilgen kestege sáıkes jol jóndeý jumystary aǵymdaǵy jyldyń qazan aıynyń sońyna deıin aıaqtalýy tıis. Búginde uzyndyǵy 26 km bolatyn 38 kóshege asfáltbeton tóseý jumystary júrgizildi.
Buqaralyq aqparat quraldary ókilderine arnalǵan baspasóz týry barysynda Almaty qalalyq mobıldilik basqarmasynyń basshysy Saǵyndyq Telibaev joldardy ortasha jóndeý jáne salý jumystarynyń barysy týraly aıtyp berdi.
«Naýryzbaı aýdany boıynsha ortasha jóndeý aıasynda biz 13,8 km jóndeýimiz kerek.2022 jyly biz 14 km jóndedik, jol qurylysy aıasynda bıyl 6,4 km salýdy josparlap otyrmyz. Ótken jyly biz 9,5 km jol saldyq», - dep atap ótti S. Telibaev.
Sondaı-aq, basqarma basshysy Aqjar sh/a-da buryn jol jamylǵysy bolmaǵan kóshelerde jańa joldardyń qurylysy júrip jatqanyn, joldardyń jalpy uzyndyǵy 35,8 km quraıtynyn habarlady.
«Aqjar shaǵyn aýdanynda ınjenerlik komýnıkasıalardy tóseý jumystary júrgizilýde. Injenerlik jeliler boıynsha jumystar aıaqtalǵan kóshelerde qalalyq mobıldilik basqarmasy daıyndyǵyna qaraı jańa joldar salý boıynsha jumystardy bastaıtyn bolady.Bıyl 3 shaqyrym jol salýdy josparlap otyrmyz. Qazir bul ýchaskede daıyndyq jumystary júrgizilýde. Osy ýchaskedegi asfáltbeton jabynynyń qurylysyn eskere otyryp, aǵymdaǵy jyldyń 25-26 qyrkúıegine deıin jumysty aıaqtaýdy josparlanýda. Qalǵan uzyndyǵy 32,8 km ınjenerlik jeliler boıynsha jumystar júrgizilýde, olar bizge daıyn bolǵan kezde tapsyrady, bul kelesi jylǵa arnalǵan josparlar», - dedi ol.
Alataý aýdanynda «Alǵabas» jáne «Terekti» sh/a uzyndyǵy 3,7 km 12 kóshede jol jabynyn jóndeý josparlanýda. Búginde uzyndyǵy 1,7 km 6 kóshede jumystar aıaqtaldy, qalǵan kósheler aǵymdaǵy jyldyń 20 qyrkúıegine deıin jóndeledi.
Sondaı-aq, Saǵyndyq Tóleýbaev Alataý aýdany Alǵabas shaǵyn aýdanyndaǵy ortasha jóndeý barysy týraly aıtyp berdi. «Alataý aýdanyndaǵy F. Ońǵarsynova kóshesiniń boıynda trotýarlardy ornalastyrý boıynsha ortasha jóndeý jumystary júrgizilýde. Kósheniń shyǵys jaǵynda eshqashan trotýar bolǵan emes, bıyl biz jaıaý júrginshilerdiń qaýipsizdigi úshin trotýar ornatý jumysyn bastadyq» -, dedi ol. Alataý aýdany boıynsha ortasha jóndeý aıasynda jyl sońyna deıin 63 shaqyrym joldy jóndeý josparlanǵanyn habarlady. Sonymen qatar, jańa qurylys aıasynda 7,7 shaqyrym joldy qamtý josparlanýda.
Aıta keterligi, «Qarasý», «Shapaǵat», «14 terıtorıa», «Shuǵyla», «Jas Qanat» shaǵyn aýdandarynda ortasha jóndeý jumystary ınjenerlik komýnıkasıalar qurylysy tolyq aıaqtalǵan soń jáne gıdrobaılanys aktisi usynylǵannan keıin júrgiziledi.
Kóshe-jol jelisin ortasha jóndeý qala kóshelerin, jol jabynynyń búkil eni boıynsha jol qurylystaryn alǵash paıdalanýǵa bergen kezdegi qalpyna keltirýge qatysty jumystardy sapaly júrgizý qarastyrylǵan.
Jańa joldardy salý kezinde aldymen tabıǵı qıyrshyq tas qospasy, sodan soń onyń ústine qıyrshyq tas qospasy qaıta tóseledi. Osydan keıin asfáltbeton jabyny eki ret tóseledi - birinshisi iri túıirshikti qospa, onyń qalyńdyǵy 6 sm, ekinshisi usaq túıirshikti qospa, onyń qalyńdyǵy 5 sm.
Eske salsaq, Almaty qalasynda uzyndyǵy 3 097 shaqyrym bolatyn 2746 kóshe bar.