11 maýsymda Densaýlyq saqtaý mınıstri Aqmaral Álnazarova úkimet brıfıńinde "aq ókpe sındromy" dep atalatyn aýrýdyń Qazaqstanǵa jetken-jetpegenin aıtty, dep habarlaıdy almaty-akshamy.kz.
Densaýlyq saqtaý mınıstrliginiń basshysy qazir Qytaıda ınfeksıanyń jańa vırýstyq túri "aq ókpe sındromy" belsendi túrde taralyp jatqanyn atap ótti. Sonymen qatar, AQSH pen Eýropada jaǵdaılar anyqtaldy.
Aýrýdyń negizgi belgileri - 39 gradýs temperatýra jáne úsh aıǵa deıin sozylǵan jótel.
"Ótken jyldyń epıdemıalyq kezeńimen salystyrǵanda biz vırýstyq ınfeksıalar deńgeıiniń óskenin baıqamadyq. Qazaqstandyqtardyń aǵzada qandaı vırýs bar ekenin bilý úshin PTR testin tapsyrýǵa múmkindik bar. Aýrýǵa keletin bolsaq, bul másele kúndelikti baqylaýda. Elge kelgen bette aıtarlyqtaı kúrdeli sanıtarlyq bóget bar. Sondyqtan Qazaqstanda ınfeksıanyń jańa túri paıda boldy dep aıta almaımyz", - dedi Aqmaral Álnazarova.
2023 jyldyń qarasha aıynyń sońynda Qytaıdyń soltústik aımaqtarynda belgisiz pnevmonıanyń jappaı indeti boldy. Ǵalymdardyń uzaq merzimdi zertteýleri jappaı ınfeksıanyń sebebi antıbıotıkterdiń kópshiligine tózimdi sýperbakterıalar boldy degen qorytyndyǵa keldi. Qytaıdaǵy indet "aq ókpe" dep ataldy, sebebi pnevmonıamen aýyratyn balalardyń ókpesiniń rentgenografıasynda aq daqtar paıda boldy.