Áleýmettik jeli qoldanýshylary adam papılloma vırýsyna qarsy vaksınasıa bedeýlikke ákelýi múmkin ekendigi týraly vıdeony talqylaýda. Úkimet balalardy zararsyzdandyrmaq eken. Bul jalǵan, dep habarlaıdy aqshamnews.kz Stopfake.kz-ke silteme jasap.
QR Densaýlyq saqtaý mınıstrligi Sanıtarlyq-epıdemıologıalyq baqylaý komıtetiniń baspasóz qyzmeti buǵan qatysty túsinikteme berdi.
«APV-ǵa (adam papıllomasy vırýsyna) qarsy vaksınasıa sterıldeýge jáne bedeýlikke ákeletini týraly áleýmettik jelilerde jáne messendjerlerde taralyp júrgen aqparat ǵylymǵa qaıshy keledi, shyndyqqa janaspaıdy jáne feık bolyp tabylady.
QR DSM Sanıtarlyq-epıdemıologıalyq baqylaý komıteti búgingi kúni APV ınfeksıasyn juqtyrýdyń jáne jatyr moıny obyrynyń damýynyń aldyn alýdyń jalǵyz ádisi – vaksınasıa ekenin taǵy da eske salady.
Jyl saıyn Qazaqstanda jatyr moıny obyrynyń 1900-ge jýyq jańa jaǵdaıy, kún saıyn 5 jańa jaǵdaı tirkeledi, jyl saıyn 600-den astam áıel, kún saıyn 2 áıel osy patologıadan qaıtys bolady.
Aýrýshańdyq deńgeıi men vaksınasıanyń tıimdiligin eskere kele, 135 elde bul vaksına Ulttyq egý kúntizbesine engizilgen.
Qazaqstanda 11 jastaǵy qyzdardy APV-ǵa qarsy vaksınasıalaý bıyl kúzde engizilmek. APV-ǵa qarsy vaksınasıalaý kezinde Dúnıejúzilik densaýlyq saqtaý uıymymen sertıfıkattalǵan jáne tıimdiligi men qaýipsizdigi dáleldengen «Merk Sharp jáne Doým» (AQSH) kompanıasy shyǵarǵan 4 valentti «Gardasıl» vaksınasy qoldanylady.
Kóptegen zertteýlerdiń, sonyń ishinde Qazaqstanda júrgizilgen zertteýlerdiń nátıjeleri vaksınany almaǵan áıelder tobyna qaraǵanda APV qarsy vaksınasıadan ótken áıelderdiń reprodýktıvti densaýlyǵy áldeqaıda jaqsy ekenin kórsetti. Kóptegen álemdik zertteýlerge (Danıada, Kanadada, AQSH-ta jáne t.b.) sáıkes, fertıldiliktiń buzylýymen, analyq bezdiń sarqylý sındromymen nemese basqa reprodýktıvti buzylýlarmen baılanys baıqalmaǵan.
Naqty emes aqparatty taratatyn adamdardyń is-áreketterine quqyqtyq baǵa berý úshin materıaldar quqyq qorǵaý organdaryna berildi», — delingen QR Densaýlyq saqtaý mınıstrligi Sanıtarlyq-epıdemıologıalyq baqylaý komıtetiniń habarlamasynda.
Vedomstvo áleýmettik jelilerdi paıdalanýshylardy jáne barlyq azamatty óz densaýlyǵyna jaýapkershilikpen qaraýǵa, tek resmı kózderden alynǵan senimdi aqparatqa ǵana senýge shaqyrady.