21 shildege arnalǵan aýa raıy boljamy.
"Qazgıdromet" RMK jeksenbide Qazaqstan óńirlerinde aýa raıy qandaı bolatynyn aıtty, dep habarlaıdy Almaty-akshamy.kz
Sınoptıkterdiń málimetinshe, Qazaqstannyń kóptegen óńirinde atmosferalyq qysymnyń tómendeýine baılanysty naızaǵaı oınap, azdap jańbyr jaýady jáne jeldiń ekpini 15-20 m/s deıin artady, al shyǵysta, ońtústiktiń, ońtústik-shyǵystyń taýly aımaqtarynda burshaq jaýady dep kútiledi.
"Kúndiz synap baǵany elimizdiń soltústiginde, shyǵysynda: +20...+28°C, ońtústiginde: +34...+39°C, elimizdiń ortalyǵynda: +25...+33°C, ońtústik-shyǵysynda: +30...+38°C, al batysynda +33...+38°C kórsetedi dep boljanýda+38°C", - delingen"Qazgıdromet" RMK habarlamasynda.
Sınoptıkter elimizdiń basym aımaǵynda daýyl eskertý jarıalady:
21 shildede Túrkistan oblysynyń taýlarynda naızaǵaı oınap, daýyl turady dep kútiledi. Taýly aýmaqta ońtústik-batystan soqqan jeldiń ekpini 15-20 m/s quraıdy. Óńirdiń ońtústiginde, shóleıtti aýdandarynda tótenshe órt qaýpi saqtalady.
Túnde Jetisý oblysynyń taýly aýdandarynda nóser jańbyr jaýady dep boljanady. Oblystyń soltústiginde, shyǵysynda, taýly aımaqtarynda naızaǵaı oınap, burshaq túsedi dep kútiledi. Oblystyń taýly aýdandarynda, shyǵysynda ońtústik-batystan soqqan jeldiń ekpini - 15-20 m/s.
Ulytaý oblysynyń soltústiginde, shyǵysynda naızaǵaı oınap, kún raıy buzylady dep kútiledi. Oblystyń batysynda órt qaýpi joǵary.
Qyzylorda oblysynyń ońtústiginde jáne Qyzylordada tótenshe órt qaýpi saqtalady.
Shyǵys Qazaqstan oblysynyń batysynda, soltústiginde, shyǵysynda nóser jańbyr jaýady, kúndiz burshaq túsip, daýyl turady, naızaǵaı oınaıdy dep kútiledi. Oblystyń soltústiginde, shyǵysynda, ońtústiginde soltústik-batysqa ońtústik-shyǵystan oıysa soqqan jeldiń ekpini 15-20 m/s, kúndiz keı tusta 23 m/s deıin jetedi. Oblystyń ońtústik-shyǵysynda órt qaýpi joǵary. Sondaı-aq, Óskemende naızaǵaı oınaıdy, kúndiz ońtústik-shyǵystan soltústik-batysqa oıysa soqqan jeldiń ekpini 15-18 m/s bolady dep boljanady.
Abaı oblysynyń soltústiginde, shyǵysynda, ońtústiginde nóser jańbyr jaýady, kúndiz burshaq túsip, daýyl turady, naızaǵaı oınaıdy dep kútiledi. Óńirdiń soltústiginde, ońtústiginde, ortalyǵynda ońtústik-batystan soltústik-batysqa qaraı oıysa soqqan jeldiń ekpini 15-20 m/s, kúndiz keı tusta 23 m/s deıin jetedi. Semeıde kún kúrkirep, kúndiz ońtústik-batystan soltústik-batysqa qaraı oıysa soqqan jeldiń ekpini 15-18 m/s quraıdy.
Qaraǵandy oblysynyń soltústiginde, shyǵysynda, ońtústiginde naızaǵaı oınap, kún raıy buzylady dep kútiledi. Túnde jáne tańerteń oblystyń soltústiginde tuman bolady. Kúndiz oblystyń soltústiginde, ońtústiginde soltústik-batystan, batystan soqqan jeldiń ekpini 15-20 m/s bolmaq.
Túnde Atyraý oblysynyń batysynda, kúndiz ońtústiginde, shyǵysynda naızaǵaı oınap, kún raıy buzylady dep boljanady. Kúndiz oblystyń batysynda, ońtústiginde ońtústik-batystan soqqan jeldiń ekpini 20 m/s deıin jetedi. Kúndiz aptap ystyq bolady: +35...+38°C. Oblys boıynsha órt qaýpi joǵary, oblystyń ońtústiginde, shyǵysynda, soltústik-batysynda tótenshe órt qaýpi kútiledi. Atyraýda 21 shildede tústen keıin qatty ystyq kezinde (+36°C) naızaǵaı oınaıdy dep kútiledi.
Tańerteń jáne tústen keıin Qostanaı oblysynyń soltústiginde, shyǵysynda naızaǵaı oınap, kún raıy buzylady dep boljanady. Kúndiz oblystyń soltústigindeel soltústik-batystan soqqan jeldiń ekpini 15-20 m/s quraıdy. Oblystyń ońtústiginde tótenshe órt qaýpi saqtalady.
Kúndiz Aqtóbe oblysynyń batysynda, soltústiginde naızaǵaı jarqyldaıdy dep boljanady. Kúndiz oblystyń batysynda, ońtústiginde aptap ystyq bolady: +36°C. Oblystyń ońtústik-batysynda órt qaýpi joǵary.
Soltústik Qazaqstan oblysynda aýa raıy jaýyn-shashyndy bolady, oblystyń soltústiginde, ońtústiginde, shyǵysynda nóser jańbyr jaýyp, naızaǵaı oınaıdy, burshaq túsip, daýyl turady dep kútiledi. Túnde jáne tańerteń oblystyń batysynda tuman túsýi yqtımal. Oblystyń soltústiginde, shyǵysynda, ońtústiginde soltústik-batystan soqqan jeldiń ekpini 15-20 m/s quraıdy. Petropavlda naızaǵaı oınap, kúndiz burshaq túsedi, daýyl turady dep boljanady. Kúndiz soltústik-batystan soqqan jeldiń ekpini 15-20 m/s quraıdy.