Bul jańalyq tek Azıaǵa qatysty. Kompanıa osy óńirdegi seriktesteriniń zaýytynda ónim shyǵarmaıdy
Apple kompanıasy qural-jabdyqtardyń jetispeýshiligine baılanysty Azıadaǵy seriktesteriniń zaýytynda iPhone men iPad shyǵarýdy toqtatty, – dep habarlaıdy Almaty-akshamy.kz «Aıqyn» basylymyna silteme jasap.
Nikkei basylymynyń málimetinshe, jyl saıyn jańa jyl qarsańynda Qytaı fabrıkalary 24 saǵat jumys isteý rejımine kóshedi. Alaıda 2021 jyly zaýyttar 10 jylda alǵash ret ónim shyǵarýdy toqtatty.
Insaıderlerdiń aıtýynsha, jumysshylardyń jumysyn jalǵastyrýyna qajet quraldardyń jetispeýshiligi sebep bolyp otyr. Mamandar Apple kompanıasynyń óndiris kólemin mıllıon birlik gadjetke deıin qysqartqanyn málimdedi. Osynyń saldarynan kompanıa mıllıard dollar kólemindegi tabysynan aıyrylmaq. Sondaı-aq, qazir smartfon nemese planshetke tapsyrys bergender ony 2022 jyldyń basyna deıin ala almaýy múmkin.
Nikkei mamandarynyń anyqtaýynsha, qazirgi ýaqytta iPhone 13 Pro Max gadjetin jasap shyǵarý úshin eki myńǵa jýyq bólshek jetispeıdi. Onyń ústine qymbatqa túsetin – prosesor, modýl, ekran jáne 5G tapshy bolyp otyr.
«Qajet komponenttiń 99%-y qolyńyzda bola turyp, taǵy bir, eki nemese úsheýi jetispese, onda ónimdi qurýdy bastaı almaısyz», – dep túsindirdi Amerıkadaǵy kompanıalardyń birine tapsyrysty jetkizýshi.
Samsung, Xiaomi, Oppo, HP, Dell, Acer, Nintendo syndy kompanıalar da dál osyndaı qıyndyqtarǵa tap bolyp otyr.