Soltústik Qazaqstan oblysynda tótenshe jaǵdaıǵa baılanysty 53 mekteptiń 33 myńnan astam oqýshysy qashyqtan oqyp jatyr.
Onyń ishinde Petropavl qalasynyń 36 mektebi men Qyzyljar aýdanynyń 13 mektebi jáne 4 oblystyq mekteptiń oqýshylary onlaın formatqa aýysqan, dep habarlaıdy Almaty-akshamy.kz 24.kz-ke silteme jasap.
Budan bólek, Atyraý, Aqtóbe, Qostanaı jáne Batys Qazaqstan oblystarynyń 28 mektebi oqýshylardyń bilim sapasyn tekserýden bosatyldy.
Mereke Amangeldiqyzy, Oqý-aǵartý mınıstrliginiń resmı ókili: - Qazaqstan Respýblıkasy Premer-mınıstriniń tapsyrmasy boıynsha sý tasqynynan asa zardap shekken óńirlerdegi oqýshylar aǵymdaǵy emtıhandar men synaqtardan bosatyldy. Atap aıtqanda, Atyraý men Aqtóbe oblysyndaǵy oqýshylar úshin BJB men TJB alynyp tastaldy. 6 óńirde monıtorıń 15 sáýirden 22 sáýirge aýystyryldy.