Sybaılas jemqorlyqqa qarsy is-qımyl agenttigi kásipkerler quqyǵyn qorǵaýǵa baǵyttalǵan «Bızneske jol» jobasyn iske qosty, dep habarlaıdy Almaty-akshamy.kz QazAqparatqa silteme jasap.
Jobanyń maqsaty – kásipkerlerge qujattardy resimdeý kezinde ákimshilik kedergilerdi, áýre-sarsańdy eńserýge kómektesý, memlekettik qyzmetshiler qabyldaıtyn sheshimderdiń merzimi men ashyqtyǵyn saqtaýdy qamtamasyz etý.
«Kásipkerler jerdi resimdeý, sáýlet jáne basqa da baqylaýshy organdardan ruqsat alý, komýnıkasıalardy qosý, sondaı-aq túrli memlekettik qoldaý sharalaryn (kredıtter, granttar, sýbsıdıalar) alý kezinde kezdesetin naqty problemalardy sheshýmen aınalysatyn bolamyz», - delingen Sybaılas jemqorlyqqa qarsy is-qımyl agenttiginiń habarlamasynda.
Málim etilgendeı, qazir óńirlerde bıznesten ótinish qabyldaý úshin arnaıy alańdar men baılanys arnasy jumys istep jatyr.
Aýmaqtyq departamentterdiń basshylary Facebook paraqshalarynda habarlamalar qabyldaýda.
Sondaı-aq Antıkordyń Call-ortalyǵyna 1424 nómiri boıynsha habarlasýǵa bolady.