Sybaılas jemqorlyqqa qarsy qyzmet Pavlodar oblysynyń burynǵy ákimi Ǵalymjan Jaqıanovqa qatysty qylmystyq is boıynsha tergeý bastady.
Bul týraly Almaty-akshamy.kz informburo.kz-ke silteme jasap habarlaıdy.
«Pavlodar oblysy boıynsha sybaılas jemqorlyqqa qarsy kúres departamenti UQK-nen Pavlodar oblysynyń burynǵy ákimi Ǵalymjan Jaqıanovqa jáne basqalarǵa qatysty sotqa deıingi tergep-tekserýdi óndiriske qabyldady. Tergeý múddesine qatysty ózge de málimetter QR QK 201-babyna sáıkes. Qylmystyq is júrgizý, jarıa etýge jatpaıdy»,-delingen vedomstvonyń informburo.kz saýalyna bergen jaýabynda.
1994-1997 jyldary Ǵalymjan Jaqıanov Semeı oblysynyń ákimi boldy, odan keıin az ýaqyt Strategıalyq resýrstardy baqylaý agenttigin basqardy. 1997-2001 jyldary Pavlodar oblysynyń ákimi qyzmetin atqarǵan.
2001 jyly Jaqıanov 2018 jyly Astana soty ekstremıstik uıym dep tanyǵan «Qazaqstannyń demokratıalyq tańdaýy» qoǵamdyq birlestigin qurýǵa qatysqan.
2002 jyly Jaqıanov bıligin asyra paıdalandy degen aıyppen jeti jylǵa sottalǵan. «Azattyq» radıosynyń habarlaýynsha, qylmystyq iste memleketke 116 myń AQSH dollary kóleminde keltirilgen zalal keltirilgen.
«Sýdebnyı reportaj» aqparaty boıynsha, eks-ákimge Tótenshe jaǵdaılar mınıstrliginiń nysany – arnaıy medısınalyq maqsattaǵy buıymdar bazasyn negizsiz kóshirgeni úshin resmı aıyp taǵylǵan. Sonymen qatar, tergeý barysynda basqa da quqyq buzýshylyqtar paıda boldy, onyń ishinde jekelegen kásiporyndardaǵy memlekettik úlesti arzandatylǵan baǵamen satý.
2006 jyly Jaqıanov shartty túrde bostandyqqa shyǵyp, birneshe jyldan keıin Qazaqstannan kóship ketti.