Alaıaqtar jańa ádisterdi paıdalanyp, qazaqstandyqtardyń jeke derekterin ıemdenýge kóshken.
Olar taratqan beınejazbalar montajdalǵan kadrlardan quralyp, jalǵan dybystyq súıemeldeý júrgizilgen, dep habarlaıdy aqshamnews.kz
Sybaılas jemqorlyqqa qarsy is-qımyl agenttigi alaıaqtar jańa ádisterdi paıdalanyp, qazaqstandyqtardyń jeke derekterin ıemdenýge kóshkenin málimdedi.
Antıkordyń málimetinshe, alaıaqtar jasandy ıntellekt tehnologıasyn paıdalanyp, áleýmettik jelide aqyly negizde advokattyq qyzmetti usyný boıynsha siltemelerdi basýǵa jáne jeke málimetterin berýge úgitteıdi.
Sybaılas jemqorlyqqa qarsy qyzmet «Halyq zańgeri» aksıasy aıasyndaǵy barlyq zań konsýltasıalary tegin negizde beriletinin eske salady. Atalmysh shara tek oflaın formatta ótkiziledi.
"Halyqty jalǵan aqparattarǵa senbeýge, kúmándi siltemelerge ótpeýge, sondaı-aq qarajat aýdarmaýǵa shaqyramyz. Osyndaı qońyraýlar men habarlamalardy alǵan jaǵdaıda Qazaqstan Respýblıkasynyń quqyq qorǵaý organdaryna dereý habarlaýdy suraımyz",-delingen Antıkor habarlamasynda.