Ony Qazaqstanǵa ekstradısıalaý rásimi bastaldy.
Sybaılas jemqorlyqqa qarsy qyzmet 12 jyl izdeýde júrgen er adamdy ustady, dep habarlaıdy Almaty-akshamy.kz
Sybaılas jemqorlyqqa qarsy qyzmettiń elordalyq departamenti 2010 jyldan bastap sybaılas jemqorlyq qylmysy boıynsha kúdikti Bolat Altynbekovke halyqaralyq izdeý jarıalaǵan.
«Halyqaralyq yntymaqtastyq sheńberindegi jedel izdestirý is-sharalary júzege asyryldy. Nátıjesinde Reseıdiń quqyq qorǵaý organdary sybaılas jemqorlyqqa qarsy qyzmet jáne İİM Interpolmen birlesip, Altynbekovti Máskeý qalasynda ustady», - delingen habarlamada.
Tergeý organdarynan jasyryný úshin, óziniń tegin «Altynbekovten» «Alsherge» ózgertken.
Vedomstvo izdeýde júrgenderdiń kópshiligi qazaqstandyq sot tóreliginiń júrmeýi úshin elden tys jerde jasyrynatynyn jetkizdi.