Sıfrlyq tehnologıalardyń qarqyndy damýyn eskere otyryp, muny onlaın rejımde jasaýǵa bolady.
Ruqsat alý tártibin Aqbota Qýanyshbekqyzy túsindirgen bolatyn.
Ańshylyq myltyqtardy saqtaýǵa jáne alyp júrýge ruqsat alý úshin sizde ózińizben birge mynalar bolýy kerek.
- Elektrondy sıfrlyq qoltańba (ESP),
- NCAlayer baǵdarlamasy ornatylǵan derbes kompúter, ańshynyń jeke kýáliginiń elektrondyq kóshirmesi;
- Qarýmen qaýipsiz jumys isteý boıynsha kýrstardy bitirgeni týraly anyqtamanyń elektrondyq kóshirmesi;
- 076/ý nysandy medısınalyq qorytyndynyń elektrondyq kóshirmesi;
- Myltyqtan atý týraly kýáliktiń elektrondyq kóshirmesi;
- memlekettik bajdy tóleý týraly túbirtek.
Eskeretin bir jaıt, qujattardyń elektrondyq kóshirmeleri kompúterde jeke papkada saqtalýy kerek.
Sonymen aldymen www.elisense.kz portalyna avtorızasıa elektrondyq sıfrlyq qoltańbasy arqyly tirkelý kerek. Sonan soń qaýipsizdik qoıyndysyn tańdap, «jeke tulǵalarǵa azamattyq qarýdy jáne onyń oq-dárilerin saqtaýǵa, tasymaldaýǵa ruqsat berý» siltemesi boıynsha ótesiz. Ári qaraı qoıyndyda kórsetilgen ótinimdi berý nusqaýlaryn muqıat zerdelep, qyzmetke onlaın tapsyrys bere alasyz. Lısenzıalardy tańdaý QR İİM-niń Almaty qalalyq polısıa departamenti arnaıy qoıyndylarǵa qujattardyń qajetti elektrondy kóshirmelerin qosa otyryp, ótinimniń juldyzshamen bilgilengen barlyq joldaryn muqıat toltyryńyz. Memlekettik bajdy ekinshi deńgeıdegi bankterdiń kasalarynda tólegen jaǵdaıda tólem bólimin toltyrý kezinde túbirtektegi málimetterdi kórsetesiz. Al onlaın tólem jasaý kezinde onlaın tólem baǵanasyn tańdap, QR tólem fýnksıasy arqyly tólem jasańyz. Máre syzyǵynda ótinishke elektrondyq sıfrlyq qoltańba (ESP) arqyly qol qoıyp, ony parólmen rastaý jáne ótinishtiń memlekettik organǵa jiberilgenin tekserý qajet.
Myltyqty saqtaý jáne alyp júrýge, ruqsat berý týraly ótinish árbir dana úshin jeke toltyrylady. Qyzmet kórsetý merzimi – 15 jumys kún. Eger toltyrylǵan ótinishke ruqsat berilse, ótinimde kórsetilgen elektrondyq poshta meken jaıyna sáıkes «Push» habarlamasy arqyly jiberiledi. Qate toltyrylǵan jaǵdaıda Sizge dáleldi bas tartý týraly habarlama jiberiledi. Ruqsat berýden bas tartý sebebin muqıat oqyp shyǵyńyz. Qatelerdi eskere otyryp, ótinishińizdi qaıta jiberseńiz bolady, - dedi Aqbota Qýanyshbekqyzy.