Qazaqstannyń tanymal ánshisi ári mýzykanty Parvız Nazarov Qazaqstanda AES salý jónindegi referendýmǵa qatysty. Mýzykant Bostandyq aýdanyndaǵy Ǵ. Mustafın atyndaǵy №191 mektepte ornalasqan №494 saılaý ýchaskesine bardy, dep habarlaıdy aqshamnews.kz.
«Referendým – bul árkimniń elimizdiń bolashaǵyna qatysty pikirin bildirýge múmkindik. Biz ómirimizge jáne keleshek urpaqtyń ómirine áser etetin sheshim qabyldaımyz. Osy mańyzdy úderiske úles qosa alǵanyma qýanyshtymyn», – dedi Parvız Nazarov.
Ánshi Qazaqstan azamattarynyń referendýmǵa qatysýy bul oqıǵanyń qoǵam úshin mańyzdylyǵyn kórsetetinin aıtty.
«Árbir azamattyń pikirin bildirýge quqyǵy men múmkindigi bar ekenin umytpaý mańyzdy. Daýys berý nátıjesi bizdiń bolashaǵymyzdy qalaı kóretinimizdiń jáne elimizdiń ıgiligi úshin qandaı ózgeris qajet ekenin kórsetedi», – dedi ánshi.
Esterińizge salaıyq, almatylyqtar saılaý ýchaskelerine baryp, saǵat 20:00-ge deıin daýys bere alady.