Bul týraly FB paraqshasynda Serik Abas-shah jazdy.
Qazaqstannyń eńbek sińirgen ártisi Gúlnár Sıqymbaeva qaıtys boldy, dep habarlaıdy aqshamnews.kz
Gúlnár Sıqymbaeva – Ońtústik Qazaqstan oblysy Tóle bı aýdanynyń Maıbulaq aýylynyń týmasy. “Men saǵan ókpelemeımin“ atty ánimen elge keńinen tanymal talantty ánshiniń “Bıshi qaıyń“, “Qyz-qaraǵaı“, “Sary bıdaı“, “Men dep oıla“, “Súıgen júrek“ “Týǵan jer“, “Narkesken“, “Kúz sekildi“ sıaqty týyndylardy náshine keltire oryndaýy ónersúıer qaýymnyń kóńilinen shyqqan.
«Uıat bolmasyn» telejobasynda Baqyt Jumadilov aǵamyzben (1947-2010) jup qylyp oınatýshy edik. Gúlekeńniń boıy Baqyttan ájepteýir bıik bolatyn-dy, qyzyq bolsyn dep ekeýin erli-zaıypty etip qosyp qoıdym. Senarı boıynsha Gúlnar hanym «tósegi jıylmaıtyn» áıeldiń rólinde qaıta-qaıta tórkinine kete beretin, Bákeń soǵan kúıip-pisip júretin-di. Túsirilim kezinde ekeýi bir-birine sóılemeı jatyp (syrtynan qarap) kúle bastaıtynbyz. Baqyt aǵamyz 14 jyl buryn jol apatynan kóz jumdy, al búgin Gúlekeń uıqysynan oıanbaı qalypty. Ekeýi de 63 jasynda qaıtypty. Imandy bolsyn!», dep jazdy Serik Abas-shah.