Prezıdent 2021 jyly bastamashylyq etken «Ańsaǵan sábı» baǵdarlamasy nátıjesinde 8 myń áıel júkti bolyp, 5000-nan astam sábı dúnıege keldi, dep habarlaıdy almaty-akshamy.kz Densaýlyq saqtaý mınıstrligine silteme jasap.
Bul týraly Densaýlyq saqtaý vıse-mınıstri Vácheslav Dýdnık «Bedeýlikti emdeýdiń zamanaýı tásilderi. QRT: Qazir jáne bolashaq» atty Qazaqstan reprodýktıvtik medısına qaýymdastyǵynyń XV halyqaralyq kongresinde aıtty.
Balasyz otbasylyq erli-zaıyptylarǵa ana men áke bolý baqytyna ıe bolýǵa kómektesýge arnalǵan baǵdarlama bastalǵaly áleýmettik medısınalyq saqtandyrý júıesi esebinen EKU-ǵa kvotalar sany 7 ese ulǵaıtyldy jáne 20 myńnan astam áıeldi EKU rásimderimen qamtydy.
«Biz mindetti áleýmettik medısınalyq saqtandyrý qorynyń qarajatynan jyl saıyn 7000 baǵdarlamany oryndaýdy jalǵastyramyz. 21 000 baǵdarlamany ótkizý arqyly biz odan da kóp balalardyń dúnıege kelýine úmittene alamyz deýge bolady. Bul óte joǵary kórsetkish, myńdaǵan bedeý otbasylar osy baǵdarlamaǵa qatysyp, ata-ana bolýǵa múmkindik alatynyn bildiredi», - dep atap ótti forýmda QR DSM bas shtattan tys reprodýktology, Qazaqstannyń reprodýktıvtik medısına qaýymdastyǵynyń prezıdenti Vácheslav Lokshın.
Sonymen birge, bas shtattan tys onkolog, QazORǴZI basshysy Dılára Qaıdarova onkologıalyq aýrýlary bar áıelder úshin bala týýdy saqtaý baǵdarlamasynyń rólin atap ótti. Bul emdeý bastalǵanǵa deıin jynys jasýshalary men embrıondardy krıokonservasıalaý úshin EKU klınıkalarymen yntymaqtastyqty qamtıdy.
Sondaı-aq D.Qaıdarova jatyr moıny obyryn vaksınalaý jáne jatyr moıny obyrynyń tıimdi aldyn alý úshin APV skrınınginiń perspektıvalaryn qozǵady.
Álemde bedeýliktiń ártúrli túrlerin emdeýdiń úlken tájirıbesi bar. Qazirgi ádisterdiń kópshiligi Qazaqstanda da sátti engizildi. Qazirgi deńgeıde endovıdeohırýrgıa, dıagnostıka men emdeýdiń gormonaldy ádisteri damýda, qaýipsizdik pen tıimdilik beıini joǵary jańa dárilik preparattar tirkelýde. Andrologıa, medısınalyq genetıka, embrıologıa jáne molekýlalyq bıologıa qarqyndy damyp keledi.
Qazaqstandyq reprodýktıvtik medısına qaýymdastyǵy 2008 jylǵy 2 qazanda quryldy jáne bedeýlikti emdeýmen aınalysatyn akýsher-gınekologtar, andrologtar, embrıologtar, genetıkter, psıhologtar mamandaryn biriktiredi.
Kongres jumysynyń qorytyndysy boıynsha qarar qabyldandy, onda aldaǵy jylǵa arnalǵan jańa mindetter men maqsattar aıqyndaldy.