Memleket basshysy Qasym-Jomart Toqaevtyń bastamasymen qolǵa alynǵan «Ańsaǵan sábı» baǵdarlamasynyń aıasynda bıyl 40 náreste dúnıege kelgen.
Bul týraly Densaýlyq saqtaý mınıstrligi Ana men bala densaýlyǵyn qorǵaý departamentiniń dırektory Maǵrıpa Embergenova aıtty, dep habarlaıdy Almaty-akshamy.kz
«10 qarashadaǵy jaǵdaı boıynsha, «Ańsaǵan sábı» baǵdarlamasy boıynsha 6 myń emdelýshige ekouryqtandyrý jasaldy. Bul - búkil josparly kólemniń 84 paıyzy degen sóz. Taǵy 740 pasıent osy baǵdarlamaǵa qatysyp bastady. 2000-nan astam júkti áıel esepke alyndy. Búgingi tańda atalǵan baǵdarlama boıynsha 40 náreste dúnıege keldi», - dedi departament dırektory.
Onyń aıtýyna qaraǵanda, aldaǵy bes jylda «Ańsaǵan sábı» baǵdarlamasy boıynsha náreste súıý múmkindigi jyl saıyn 7000 jupqa berilmek.
«Deni saý ult» ulttyq jobasy aıasynda 2025 jylǵa deıin jyl saıyn bedeýligi rastalǵan 7000 jupqa mindetti medısınalyq saqtandyrý aıasnyda «eko» jasatý qarastyrylǵan», - dedi Maǵrıpa Embergenova.