«Alatau Aqparat» medıaholdıngi men «Túrkisoı» halyqaralyq túrki mádenıeti uıymy birlesip, «Almaty aqshamy» gazetiniń fototilshisi Samat Serikbaıulynyń «Uly dalanyń salt-dástúri» /Türk Yurtlarında Büyük Bozkırın Kültürü/ fotokórmesin uıymdastyrady, dep habarlaıdy aqshamnews.kz
Qusaıynov Samat Serikbaıuly – Sarysý aýdanynyń týmasy, qazaq jýrnalısıkasynyń qaıratkeri, Qazaqstan Jýrnalıser odaǵynyń múshesi, Aqparat salasynyń úzdigi, «Almaty Aqshamy» gazetiniń fototilshisi. Uzaq jyldar boıy qazaq baspasózinde eńbek etip kele jatqan Samat Serikbaıuly elimizdiń mádenı-áleýmettik ómirindegi mańyzdy oqıǵalardy foto arqyly halyqqa jetkizip keledi. Ol qazaqtyń mádenıeti men tabıǵatyn, dástúri men rýhyn beıneleý arqyly tarıhı qundylyqtardy saqtaýǵa zor úles qosyp júrgen kásibı fotojýrnalıst.
«Uly dala mádenıeti» kórmesi — Qazaq dalasynyń tarıhy, mádenıeti jáne ómir saltyn tanystyrý maqsatyndaǵy erekshe shara. Kórme Qazaqstannyń keń baıtaq geografıasyn, onyń tarıhı jáne mádenı murasyn, dala turǵyndarynyń tabıǵatpen úılesimdi ómirin beıneleıdi.
«Uly dala mádenıeti» kórmesinde Samat Serikbaıuly Qazaqstannyń ár aımaǵyndaǵy adamdardyń kúndelikti ómirin beınelep, olardyń qonaqjaılylyǵyn, dástúrlerin jáne tabıǵatpen baılanysyn kórermenge áserli jetkizedi. Onyń shyǵarmalary ulttyq mádenı mura retinde baǵalanyp, fotojýrnalıstıka salasyndaǵy jetistikterimen halyq arasynda tanymal.
Kórmeniń basty maqsaty — Qazaqstannyń mádenı murasyn tanytyp, Uly Dalanyń baı tarıhyn kórkem tilmen baıandaý.
Barshańyzdy kórmege kelip, osy erekshe mádenı sharany tamashalaýǵa shaqyramyz!
Ótetin orny: Anadoly órkenıetter murajaıy
Ótetin kúni: 2024 jylǵy 3 qazan
Ýaqyty: 15:00
Kirý tegin.