Eki tomdyq kitap 1889 jyldan 2020 jylǵa deıin baspasózde jarıalanǵan barlyq eńbekterdi tolyq qamtyǵan ǵylymı basylym
Abaı Qunanbaıulyna arnalǵan ujymdyq monografıa Ankarada aǵylshyn tilinde basylyp shyqty, dep habarlaıdy Almaty-akshamy.kz.
Sondaı-aq «Abaı Qunanbaıuly: sıpattamaly bıblıografıalyq kórsetkish» atty ǵylymı eńbek te jaryqqa shyqty. Búgin astanada qos birdeı kitaptyń tanystyrylymy ótti. Bul eńbekter sheteldik qaýymǵa qazaq oıshyly Abaı men onyń murasyn jan-jaqty tanytýdy kózdeıdi. Eki tomdyq kitap 1889 jyldan 2020 jylǵa deıin baspasózde jarıalanǵan barlyq eńbekterdi tolyq qamtyǵan ǵylymı basylym. Bıblıografıalyq kórsetkishte 12 myńnan astam derek qamtylǵan, dep habarlady "Habar 24".
«Bul abaıtanýshy ǵalymdarǵa da, jas izdenýshilerge de jalpy Abaı shyǵarmasyna qyzyqqan halyqqa óte qajetti. Bunda ereksheligi sol, osy eńbekterge sıpattama berilip, onyń erekshelikterin aıtýynda», -deıdi "Abaı akademıasy" ǵylymı-zertteý ınstıtýtynyń dırektory Jandos Áýbákir.