Almaty jáne Jetisý oblystary boıynsha Qylmystyq-atqarý júıesi departamentiniń №14 qaýipsizdigi ortasha mekemesinde tyıym salynǵan zattardy zańsyz ótkizý áreketi anyqtaldy,dep habarlaıdy aqshamnews.kz Polisia.kz-ke silteme jasap.
Qyraǵylyq tanytqan mekeme qyzmetkerleri shujyqtyń ishine jasyrylǵan uıaly telefondy tapty. Bul banderóldi anasy ulyna arnaıy jibermek bolǵan.
Tekserý barysynda «Samsung» uıaly telefonyn, Beeline sım-kartasy jáne zarádtaǵysh qural tárkilendi. Atalǵan derek boıynsha QR Ákimshilik quqyq buzýshylyq týraly kodeksiniń 481-baby negizinde is qozǵalyp, kináli tulǵaǵa qatysty materıaldar sotqa jiberildi. Mekeme ókilderi zańsyz áreketterdiń aldyn alý úshin osyndaı qyraǵylyqty jalǵastyra beretinin aıtty.