Ony bir adam qamtamasyz ete almaıdy.
Búgin Almaty qalasynda «Perınatologıa jáne balalar kardıohırýrgıasy» ortalyǵynda bolashaq analarǵa arnalǵan elimizdegi alǵashqy «Bir kúndik klınıka» atty pılottyq jobanyń ashylýy ótti, - dep habarlaıdy Almaty Aqshamy.
Ana men balanyń densaýlyǵy bárimizdi de alańdatatyn másele. Ony bir adam qamtamasyz ete almaıdy. Sondyqtan memleket jáne qoǵam bolyp deni saý urpaqty ómirge ákelý, ana men balanyń ómiri úshin birlese jumys isteý qajet. Memleket basshysy Qasym-Jomart Toqaev ta osy máselege erekshe kóńil bólýde. Memlekettik jáne jergilikti búdjettiń basym bóligi áleýmettik salaǵa bólinýi de beker emes.
Ana men balanyń densaýlyǵy bárimiz úshin mańyzdy másele ekenin eskersek búgingi ótken sharanyń qanshalyqty qajet ekenine kózimiz jetedi. «Bir kúndik klınıka» jobasynyń ashylý sharasyna Almaty qalasy ákiminiń orynbasary Ásem Núsipova, Densaýlyq saqtaý mınıstrliginiń Ana men bala densaýlyǵyn qorǵaý Departamentiniń dırektory Maǵrıpa Embergenova, Densaýlyq saqtaý mınıstrliginiń Departamenttiń Ana men bala densaýlyǵyn qorǵaý basqarmasynyń basshysy Shakızat Halykova, sonymen qatar «AYALA» qaıyrymdylyq qorynyń komýnıkasıa boıynsha vıse-prezıdenti Natalá Eskova jáne «Shevron» kompanıasynyń qoǵammen baılanys boıynsha úılestirýshisi Janar Qoshpanova qatysyp sóz sóıledi. Sonymen qatar, sharaǵa Astana jáne Shymkent qalalarynan, Túrkistan, Aqtóbe, Qyzylorda jáne Qaraǵandy oblystarynan densaýlyq saqtaý basqarmasynyń basshylary men dárigerler, genetık mamandar qatysty.
Ásem Núsipova óz sózinde qala ákiminiń ana men bala densaýlyǵy máselesine erekshe nazar aýdaratynyn aıtty. Ákimdik alǵashqy medısınalyq qyzmet kórsetý standartyn bekitti. Sonyń aıasynda 1 aýrýǵanaǵa jóndeý jumystary júrgizilgen. Áýezov jáne Jetisý aýdandarynda AMQK ortalyqtary ashyldy. Alataý jáne Túrksib aýdandarynda 4 sondaı ortalyqtyń qurylysy jalǵasýda. Bıyl joǵary tehnologıaly medısınalyq qurylǵylarmen qamtamasyz etý josparda bar.
Densaýlyq saqtaý mınıstrliginiń Departamenttiń Ana men bala densaýlyǵyn qorǵaý basqarmasynyń basshysy Shakızat Halykova jobanyń máni men maqsaty jaıly egjeı-tegjeıli aıtyp ótti. Onyń sózinshe elimizde 400 myńdaı bala jylyna dúnıege kelse, sonyń 1%-ǵa jýyǵy múmkindigi shekteýli bolyp dúnıege keledi. Al «Bir kúndik klınıka» jobasy sonyń aldyn alýǵa baǵyttalǵan.
Bul aqparatty «Almaty Aqshamy» gazetiniń aldaǵy sanynan tolyǵyraq oqı alasyzdar.