Myń bas iri qara qyrylyp qaldy
Tolassyz jaýyn men taýdaǵy qardyń erýinen aımaqtaǵy ózender tasyǵan, dep habarlaıdy Almaty-akshamy.kz «Habar 24» telearnasyna silteme jasap.
Sonyń saldarynan bútindeı eldi mekendi sý basty. Turǵyndar qaýipsiz jerge kóshirilip jatyr. AQSH-tyń ońtústigi men ortalyǵynda aptap alqymnan alyp tur.
Florıdada synap baǵanasy 39 gradýsqa jetken. Kóleńkeniń ózinde baıyz taýyp turý múmkin emes. Jergilikti jurt jappaı ózen-kól jaǵalap ketken. Kúnniń shyjyp turǵany sonsha, oǵan tipti tórt túlik te shydamaıdy. Kanzasta 1 myń iri qara baýdaı tústi. Al Kalıfornıada sýǵa shekteý qoıyldy. Jańa ereje boıynsha, turǵyndar baqshany aptasyna bir-aq ret sýarady. Sınoptıkterdiń aıtýynsha, ystyqpen alysqan amerıkalyqtarǵa áli de biraz sabyr saqtaýǵa týra keledi. Óıtkeni aptap apta sońyna deıin jalǵasady.
Aptap Fransıany da baýyryna qysyp tunshyqtyryp jatqandaı. Sınoptıkter ystyq birer kúnde qaıtady deıdi. Elektr qýatynyń sońǵy ýaqytta qymbattap ketkenin eskersek, kondısıoner qosyp, salqyn úıde tynystap jatý eki aıaqtynyń bárine birdeı qoljetimdi emes. Sý da sondaı. Sebebi eldiń 35 óńirinde tirshilik kózin qoldanýǵa shekteý qoıylǵan.