«Ien» daýyly 28 mıllıard dollardan 47 mıllıard dollarǵa deıin shyǵyn ákeldi.
Jeksenbi kúni keshke AQSH-ta «Ien» daýylynan 80 adam qaza tapty, dep habarlaıdy Almaty-akshamy.kz Sınhýa agenttigine silteme jasap
Jergilikti buqaralyq aqparat quraldarynyń málimeti boıynsha, Florıda shtatynda 76 adam, Soltústik Karolına shtatynda taǵy tórt adamnyń qaıtys bolǵany rastaldy. Jergilikti polısıa qyzmetkerleri qaza tapqandar sany áli de artýy múmkin ekenin aıtty.
28 qyrkúıekte Florıdanyń ońtústik-batys jaǵalaýynda tórtinshi sanattaǵy «Ien» daýyly boldy. Qatty daýyl men sý tasqyny kóptegen úılerdi, ınfraqurylymdy, kólikter men kemelerdi zaqymdady. Qazirgi ýaqytta júz myń adam áli jaryqsyz otyr.
30 qyrkúıekte daýyl Atlant muhıtynan Ońtústik Karolına shtatyna jetip, kúshin birinshi sanatqa deıin tómendetti.
AQSH-tyń apatty baǵalaý agenttikteriniń málimetinshe, «Ien» daýyly 28 mıllıard dollardan 47 mıllıard dollarǵa deıin shyǵyn ákeldi.