Konstıtýsıa – kez kelgen memlekettiń irgetasy
Bul týraly elimizdiń jas májilismenderi – «AMANAT» fraksıasynyń músheleri Elnur Beısenbaev pen Mádı Ahmetov Qazaq bas sáýlet-qurylys akademıasynyń ujymy men stýdentterimen kezdesýde bólisti, dep habarlaıdy Almaty-akshamy.kz.
«Qazir elimizdiń barlyq óńirleri men eldi mekenderinde memleketimizdiń basty qujatyna túzetýler engizýge qatysty aýqymdy aqparattyq-túsindirý jumystary júrgizilýde. Almaty turǵyndarymen kezdesýlerdiń alǵashqy tolqynyn aıaqtaı otyryp, biz jas almatylyqtar arasynda ótetin referendýmǵa degen joǵary qyzyǵýshylyqqa nazar aýdardyq. Sebebi kezdesýlerde kóptegen ótkir taqyryptar kóterilip, stýdentter suraqtar qoıyp, óz pikirlerin ashyq bildirdi. El Prezıdenti usynǵan negizgi reformalar olardyń qoǵamdyq-saıası bolashaǵyna degen senimin nyǵaıtýda»,- dedi depýtat Mádı Ahmetov.
Konstıtýsıaǵa engizilgen 33 túzetýdiń árqaısysyna qysqasha sholý jasaı otyryp, partıanyń respýblıkalyq shtabynyń músheleri olardyń bireýine jeke toqtaldy. Mysaly, Májilis pen oblystyq máslıhattardyń depýtattaryn saılaýdyń majorıtarlyq-úılesimdi modeli bir mandatty aýmaqtyq saılaý okrýgteri boıynsha barlyq jastaǵy, bul rette ózderin qandaı da bir partıamen baılanystyrmaıtyn belsendi azamattarǵa jol ashatyn bolady.
Óz kezeginde partıa músheleri árbir qazaqstandyqtyń aldynda mańyzdy sheshim qabyldaý mindeti turǵanyn atap ótti.
«Konstıtýsıa – kez kelgen memlekettiń irgetasy. Prezıdent Qasym-Jomart Toqaev negizgi mindet qoıdy – elimizdi álemniń birqatar damyǵan memleketterdiń qataryna shyǵarý. Qazirgi qoǵamda ózgerister úlken suranysqa ıe. Referendým ótetin kúnge deıin az ǵana ýaqyt qaldy. Árbir azamat el damýynyń jańa kezeńin qalyptastyrýǵa qatysyp, úlesin qosýǵa múmkindik týdy»,-dep túıindedi májilismen Elnur Beısenbaev.
Kezdesýdi qorytyndylaı kele, qatysýshylar konstıtýsıalyq túzetýler jobasy boıynsha el turǵyndarynyń jalpyǵa birdeı daýys berýi – qazaqstandyqtardyń birliginiń jáne demokratıalyq qaǵıdattardy tabandy ustanýynyń kórneki úlgisi bolady degen ortaq pikirge keldi. 5 maýsymda ótkiziletin referendým saılaý jasyna jetken árbir azamatqa eldiń bolashaǵyn aıqyndaıtyn tarıhı oqıǵaǵa tikeleı qatysýǵa múmkindik beredi.