Baıqaý jeńimpazdary saltanatty túrde marapattaldy
Memleket basshysy «Altyn sapa» jáne «Paryz» syılyqtarynyń ıegerlerin marapattaý rásimine qatysty, dep habarlaıdy Almaty-akshamy.kz Aqordanyń baspasóz qyzmetine silteme jasap.
Jıyn sońynda Memleket basshysy «Altyn sapa» jáne «Paryz» baıqaýlarynyń jeńimpazdaryn saltanatty túrde marapattady.
«Altyn sapa» syılyǵynyń «Úzdik ındýstrıalyq joba» nomınasıasy boıynsha Pavlodar oblysynyń «Prommashkomplekt» kásiporny, «Úzdik ınovasıalyq joba» nomınasıasy boıynsha Almaty oblysynyń «Antıgen» ǵylymı-óndiristik kásiporny jeńimpaz atandy.
«Paryz» syılyǵynyń shaǵyn jáne orta bıznes ıeleri arasyndaǵy Gran-prı júldesi Aqmola oblysynyń «Shýıskoe-XXI» jaýapkershiligi shekteýli seriktestigine, al iri bıznes ıeleri arasyndaǵy Gran-prı júldesi Atyraý oblysynyń «Nort Kaspıan Opereıtıng Kompanı N.V.» kásipornyna tabystaldy.
Sonymen qatar bızneske qolaıly jaǵdaı jasalǵan «Úzdik óńir» sanaty boıynsha arnaıy syılyqqa Shymkent qalasynyń ákimdigi, «Úzdik aýdan» sanaty boıynsha arnaıy syılyqqa Sátbaev qalasynyń ákimdigi ıe boldy.