1 gram altynnyń baǵasy 33 911,46 teńgege jetti.
Bul kórsetkish buǵan deıingi baǵamen salystyrǵanda, 405,86 teńgege nemese 1,2%-ǵa qymbat, dep habarlaıdy almaty-akshamy.kz.
Qazirgi kórsetkish 2017 jylǵy maýsymnan bergi resmı eń joǵary kórsetkish bolyp sanalady. Alaıda sońǵy kezderi metaldyń baǵasy turaqty túrde kóterilip, 5 naýryzdan beri 30 myń teńgeden tómendegen joq. Aqpan aıynyń ortasynan bastap aıtarlyqtaı senimdi ósim paıda bolǵan kezde, kórsetkish 5 myń teńgege nemese 18%-ǵa artty. Jyl basyndaǵy jaǵdaımen salystyrǵanda, 1 gram baǵasy 12 paıyzǵa qymbattaǵan.
Aıta ketý kerek, metaldyń bırjalyq baǵasy sońǵy ýaqytta rekordtyq deńgeıde boldy. Buǵan álemdik ortalyq bankterdiń joǵary suranysy da yqpal etip otyr.