1,5 mln teńgege jýyq aıyppul salyndy.
«Altyn Orda» bazarynyń ıesi ákimshilik jaýapqa tartyldy. Sot sheshimimen kompanıaǵa 1,5 mln teńgege jýyq aıyppul salyndy. Bul týraly Básekelestikti qorǵaý jáne damytý agenttigi málim etti, dep habarlaıdy Almaty-akshamy.kz QazAqparatqa silteme jasap.
«Almaty oblysy Qarasaı aýdany Ákimshilik quqyqbuzýshylyqtar jónindegi mamandandyrylǵan aýdanaralyq sotynyń qaýlysymen «Altyn Orda QazTrade LTD» JSHS ákimshilik jaýpkershilikke tartylyp, Ákimshilik quqyqbuzýshylyq týraly Kodkestiń 159-babynyń 3-bóligine sáıkes, monopolıalyq joǵary baǵany qoldaný kezinde alynǵan monopolıalyq kiris 46 976 550 tenge kóleminde tárkilene otyryp, 1 424 776 tenge kóleminde aıyppul salyndy», - delingen habarlamada.
Agenttik taratqan málimetke qaraǵanda, buǵan deıin Almaty oblysy boıynsha monopolıaǵa qarsy departament «Altyn Orda QazTrade LTD» JSHS-ne qatysty ákimshilik is qozǵap, materıaldardy qaraý úshin Almaty oblysynyń Qarasaı mamandandyrylǵan aýdanaralyq sotyna jibergen.
«Atap aıtqanda, 2022 jylǵy naýryzda «Altyn Orda» bazaryn tekserý qorytyndylary boıynsha seriktestik qyzmetinde saýda oryndaryn kúndelikti jalǵa berýde monopolıalyq joǵary baǵasyn belgileýden jáne ustap turýdan kórinetin ústeme nemese monopolıalyq jaǵdaıdy teris paıdalaný faktileri anyqtalǵan», - dep habarlady vedomstvodan.
Qarasaı mamandandyrylǵan aýdanaralyq sotynyń qaýlysy zańdy kúshine engen joq.