Almaty mańyndaǵy «Altyn orda» bazarynyń burynǵy basshylaryna halyqaralyq izdeý jarıalandy.
Kúdiktilerdi Almaty oblysy Qarasaı aýdanynyń krımınaldyq polısıa bólimi izdep jatyr, dep habarlaıdy Almaty-akshamy.kz QazAqparatqa silteme jasap.
Danıar Ápdiǵaparovqa, 1982 jyly týǵan, Jumadın Patovqa, 1982 jyly týǵan, Qanat Jaqaevqa, 1984 jyly týǵan, sonymen qatar Aıdos Nurqalıevqa, 1986 jyly týǵan, Qazaqstan Respýblıkasynyń Qylmystyq kodeksiniń 190-baby boıynsha halyqaralyq izdeý jarıalandy.
«Qazirgi ýaqytta joǵaryda atalǵan tulǵalardy ustap, Qarasaı aýdanynyń ýaqytsha ustaý ızolátoryna ornalastyrý boıynsha jedel izdestirý sharalary júrgizilýde. Nátıjeleri keıinirek habarlanady», - dep atap ótti vedomstvodan.