27 adam qutqaryldy, onyń 6-ýy balalar
Almaty qalalyq Polısıa departamentiniń habarlaýynsha, Brýsılovskıı kóshesinde ornalasqan «Altyn bulaq-2» turǵyn úı kesheniniń 18 qabatty úıinen qoıý tútin shyqqany týraly dabyl qaqqan habar túngi saǵat on ekiler shamasynda túsken.
JBO jedel kezekshisi órt ornyna dereý patrúldik polısıanyń 13 ekıpajyn jóneltti. Sondaı-aq, órt ornyna irgeles jatqan kórshi aýdandardan da adamdar tartyldy. «Altyn bulaq-2» turǵyn úı kesheniniń turǵyndaryn qutqarýǵa jáne órttiń saldaryn joıýǵa barlyǵy 35 polısıa qyzmetkeri qatysty.
Eń aldymen osy úıdiń 177 turǵyny evakýasıalandy. 27 adam qutqaryldy, onyń 6-ýy balalar. «Jedel járdem» brıgadalary janý ónimderinen ýlanǵan 2020 jáne 2021 jyly týǵan úsh sábıdi shuǵyl túrde 1 qalalyq klınıkalyq balalar aýrýhanasyna jetkizdi.
Saǵat 01:45-te órt sóndirildi. Onyń sebebin saraptama anyqtaıdy.