Alǵash ret bırjada bir ýnsıa altynnyń quny $3300 AQSH dollarynan asty.
Sarapshylardyń pikirinshe, bul — jahandyq ekonomıkalyq turaqsyzdyq pen geosaıası shıelenister aıasynda qalyptasqan jaǵdaı. Ásirese, AQSH-ta jańa kedendik baj salyǵynyń engizilýi men saýda soǵystarynyń ýshyǵýy altyn baǵasynyń kúrt ósýine áser etip otyr, dep habarlaıdy aqshamnews.kz
Nelikten altyn baǵasy ósip jatyr?
Ekonomıser altynǵa degen suranystyń artýyn birneshe faktormen baılanystyrady:
-
Saıası jáne ekonomıkalyq belgisizdik. Investorlar valúta naryǵyndaǵy qubylmalyqtan qorǵaný úshin turaqty aktıv — altyndy tańdaıdy.
-
AQSH-ta engizilgen baj salyǵy. Sońǵy ýaqytta AQSH pen basqa elder arasyndaǵy saýda qatynastary shıelenisip, bul jahandyq naryqqa áser etti.
-
Ortalyq bankterdiń áreketi. Keıbir elderdiń ortalyq bankteri óz altyn qoryn arttyrýda, bul da naryqtaǵy suranysty kóbeıtip otyr.
Altyn — qaýipsiz ınvestısıa
Qarjy sarapshylary altyndy árqashan "qaýipsiz aılaq" dep ataıdy. Ekonomıkalyq daǵdarystar kezinde nemese ınflásıa kúsheıgen shaqta altynnyń quny artyp, ony ustaý tıimdi bola túsedi.
Boljam qandaı?
Kóptegen analıtıkterdiń aıtýynsha, eger geosaıası shıelenister men saýda qaqtyǵystary jalǵasa berse, altyn baǵasy budan da joǵary deńgeıge kóterilýi múmkin. Keıbir boljamdar boıynsha, 2025 jyldyń sońyna deıin bir ýnsıa altynnyń quny $3500-ǵa deıin jetýi yqtımal.