Bıyl Qazaqstan kınoteatrlarynda ekshn jáne fentezı janryndaǵy «Altyn Adam» tolyqmetrajdy anımasıalyq fılmi kórermenge usynylady.
Múltfılm Qazaqstan Respýblıkasy Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen ázirlengen, dep habalaıdy aqshamnews.kz
«Altyn Adam» – ómir otyn izdep, Han táńiri shyńyna shyqqan saq jaýyngeriniń oqıǵasyn baıandaıdy. Ol sol saparda senimdi dos tabady, qaýipti qarsylastarmen shaıqasady. San túrli synaqtan ótip, ol naǵyz jaýyngerge atanyp, týǵan jerin zulymdyqtan qorǵaıdy.
Fılmniń rejıserleri – Turdybek Maıdan («Muzbalaq» jobasynyń avtory) jáne Tilek Tóleýǵazy.
«Altyn Adam» jobasynyń basty maqsaty – adamnyń tek syrty ǵana emes, ishki jan dúnıesi de «altyn» bola alatynyn kórsetý. Fılmge Esik qorǵanynan tabylǵan Altyn adam arheologıalyq murasy arqaý bolǵan. Joba 2D formatynda jasaldy. Bul ádis ejelgi dáýirdi qaz-qalpynda beıneleýge, sol kezeńniń qabyrǵa sýretteri men sáýlet ónerin kórsetýge múmkindik berdi.
«Altyn Adam» – bul tek erlik pen batyrdyq týraly hıkaıa ǵana emes, jas kórermenge tereń fılosofıalyq oı salatyn týyndy.