2024 jyly Qazaqstanda FSM Social mobıldik qosymshasyn paıdalana otyryp, qonys aýdarýshylar men qandastardy jergilikti qoǵamdastyqqa beıimdeý jáne ıntegrasıalaý jónindegi qyzmetter edáýir keńeıtildi. Bul qoldanba 25 túrli qyzmetti qamtıdy ári kórsetiletin kómektiń nátıjesin Otbasynyń sıfrlyq kartasy arqyly baqylaýǵa bolady. 12 myńǵa jýyq qandas pen qonys aýdarýshylar osy qyzmetterdi paıdalanyp úlgerdi, dep habarlaıdy aqshamnews.kz
2024 jyldyń qazan aıynan bastap Qazaqstannyń alty óńirinde pılottyq rejımde migration.enbek.kz portalyndaǵy mobıldi qosymsha arqyly «qandas» mártebesin berý jáne «Ata joly» kartasyn resimdeý qyzmeti iske qosyldy.
Zańnamalyq bastamalar sheńberinde qonys aýdarýshylarǵa aýyl sharýashylyǵy maqsatyndaǵy jer ýchaskelerin konkýrstan tys tártippen bes jylǵa deıingi merzimge alýǵa quqyq beretin, sondaı-aq materıaldyq kómekti esepteý úshin shottardan qarajat óndirip alýǵa tyıym salatyn túzetýler qabyldandy. Turǵyn úı satyp alý jáne qala turǵyndaryn aýyldyq jerlerge kóshirýdi yntalandyrý úshin ekonomıkalyq utqyrlyq sertıfıkattaryn berý tetigin qaıta qaraýǵa baǵyttalǵan túzetýler ázirlendi.
Sondaı-aq sheteldik mamandar úshin suranysqa ıe kásipterdiń tizbesi keńeıtildi, Tálimgerlikti uıymdastyrý qaǵıdalary jáne sheteldik jumys kúshin tartatyn jumys berýshiler úshin talaptar bekitildi.
Shetelde jumys isteıtin qazaqstandyqtardyń quqyǵyn qorǵaý úshin Qatarmen ekijaqty kelisimge qol qoıyldy, Qazaqstandy jumysqa ornalasýǵa ruqsattar júıesine (Employment Permit System) engizý jónindegi Koreıa Respýblıkasymen kelisim belsendi pysyqtalýda, Ulybrıtanıamen Eńbek kóshi-qony salasyndaǵy yntymaqtastyq týraly memorandým daıyndalýda.
