Han men Sulý atty kerikter juby kishkentaı erkek qulyndy ómirge ákeldi.
Almatynyń zoobaǵynda oryn alǵan jaǵymdy jańalyqpen haıýanattar baǵynyń baspasóz qyzmeti jarıalady. Mamandardyń málimetinshe, keriktiń balasy shilde aıynyń sońynda dúnıege kelgen, dep habarlaıdy Almaty-akshamy.kz.
«Búgin sizdermen kezekti jaqsy jańalyǵymyzben bólispekpiz. Almaty haıýanattar baǵyndaǵy Han men Sulý atty kerikter juby kishkentaı erkek qulyndy ómirge ákeldi. Jańa týǵan kishkentaı kerik shilde aıynyń sońynda dúnıege keldi», – dep jazdy Almaty zoobaǵy óziniń Instagram paraqshasynda.
Qazir ol ákesi men ápkesinen bólek anasymen birge turyp jatyr.
«Oǵan áli at qoıylmady. Sondyqtan biz kishkentaı kerikke at qoıýǵa baıqaý jarıalaımyz. Súıkimdi janýardyń túrine qarap erekshe esimderdi aıtyńyzdar. Paraqshamyzǵa pikir qaldyryp, óz usynystaryńyzdy jazyńyzdar», – delingen zoobaqtaǵylar jarıalaǵan jazbada.
Bıyl zoobaqtaǵy tuıaqtylar bóliminde 19 tól ómirge kelgen. Mamandar alda áli jaǵymdy jańalyqtar kóp bolatynyn atap ótti.
«Zoobaq – ózine tán tabıǵaty bar, janýarlardyń erekshe álemi. Munda janýarlar ózara jup quryp, tóldep, kóbeıip jatady. Biz zoobaǵymyzdaǵy jańa tólderdiń týǵanyn olardyń kishkene ósip, qataıǵanynan keıin ǵana kópke jarıalaımyz», – dep habarlady zoobaqtaǵylar.
Posmotret etý pýblıkasıý v Instagram