Dárigerler jańa apparatty synap kórdi
Búgin Ortalyq qalalyq klınıkalyq aýrýhanada qýyq asty beziniń qatersiz gıperplazıasyn emdeý jáne jumsaq tinderine hırýrgıa júrgizýge arnalǵan jańa lazerlik týlıı apparatty ıgerip-meńgerý boıynsha master-klass ótti, dep habarlaıdy Almaty-akshamy.kz
OQKA baspasóz qyzmetiniń habarlaýynsha, Almaty qalasynyń ýrologtary úshin master-klasty Máskeý oblysynyń Kolomenskıı OAA ýrologıa bólimshesiniń meńgerýshisi Dmıtrıı Baransev júrgizdi.
Mamannyń aıtýy boıynsha, osy lazerlik týlıı quraly naryqta eń úlken óndirilý qýattylyǵymen, ıaǵnı, 200 Vt jáne ashyq túrde, jumsaq tinderdiń rezeksıasy, ablásıasy, vaporızasıasy (3mın/g jyldamdyqpen), koagýlásıasy, eksızıasy jáne gemostazdaryna endoskopıalyq jáne laparoskopıalyq hırýrgıa júrgizý úshin qoldanylady. Master-klass barysynda «Qýyq asty beziniń qatersiz gıperplazıasy», basqasha aıtqanda, qýyq asty bezi adenomasy dıagnozy bar eki naýqasqa shaǵyn ınvazıvti operasıa jasaldy.
«Biz buryn operasıany lazerlik apparattyń kómegimen jasaıtynbyz. Týlıı lazerin qoldaný bizge jańa sapaly deńgeıge jetý jáne naýqastardyń ońaltý merzimin qysqartý múmkindigin bermek. Bul degenimiz - biz naýqastardyń eselengen san mólsherine kómektese alamyz degen sóz. Sonymen qatar, osy tehnologıany qoldaný arqyly biz antıkoagýlántty tutynatyn naýqastarymyzǵa operasıa jasaı alamyz. Búgingi kúni biz qýyq asty beziniń adenomasymen aýratyn eki naýqasqa operasıa júrgizdik. Operasıa sátti ótti. Munda, sondaı-aq, osy apparattyń kómegimen nesep jolyna strıktýra, qýyqtyń moınyn (BNI) kesý, qýyq isigine, nesep joly men nesepaǵar jolyna ablásıa jáne rezeksıa jasaý, úrpini tilý nemese ýretrotomıý, BHP, qýyq asty bezin transýretraldy túrde kesý (TUIP), qýyq asty bezine lazerli enýkleasıa jasý, qýyq asty bezine lazerli ablásıa jasaý, nefrektomıý júrgize alatynymyzdy da aıta ketken jón», - deıdi Ortalyq qalalyq klınıkalyq aýrýhananyń ýrologıa bólimshesiniń meńgerýshisi Sáken Bımenov.
Týlıı lazeriniń birtalaı artyqshylyǵy bar. Energıanyń asa tyǵyz shoǵynyń arqasynda tinderdiń kesip alyp tastaý jeńil ótip, gemostazǵa áserin tıgizip, qansyraýdy toqtata otyryp, sońynan tinniń tez jazylýyna áser etedi. Ortalyq qalalyq klınıkalyq aýrýhanada kúndelikti osyndaı operasıanyń jeteýi júrgiziledi, al, jyl saıyn onyń sany 700-ge jetpek. Bul jabdyqty tek ýrologıa salasynda ǵana emes, sondaı-aq, toraýaldy hırýrgıa, jalpy hırýrgıa, LOR jáne gınekologıa salasynda da qoldanýǵa bolady.