Túrksib aýdanynyń «Qaırat» shaǵynaýdanynda gazdyń ajyratylýy týraly aqparat.
JKO saldarynan isten shyqqan «Qaırat» shaǵynaýdanyndaǵy «Baımaq» JSHS jeke gaz jelileriniń zaqymdanýy boıynsha jóndeý máselesi jedel sheshilýde, dep habarlaıdy Almaty-akshamy.kz.
Keshe saǵat 13:30-da júk kóliginiń júrgizýshisi ortasha qysymdy gaz magıstraline soqtyǵysyp, apat saldarynan shaǵynaýdannyń birqatar úılerine gaz berý toqtatylǵan bolatyn.
Apatty qalpyna keltirý jumystary úsh saǵattan astam ýaqytqa sozyldy, sodan soń jelilerdi iske qosý-jóndeý jumystary bastaldy. Alaıda jóndeý brıgadalary gazben turaqty jabdyqtaýdy tolyq kólemde qamtamasyz ete almady.
Aýdan ákimdigi men «QazTransGaz Aımaq» AQ qyzmetkerleri shaǵynaýdan turǵyndarymen kezdesip, túsindirý jumystaryn júrgizdi ári úılerdi aralap shyqty.
1: 30-da 135 abonent gazben qamtamasyz etildi.
Qalǵan 52 abonent boıynsha jelilerde gaz qubyrlarynyń bitelýi anyqtaldy, olardy joıý úshin negizgi magıstraldy ajyratý qajet boldy (qaýipsizdik tehnıkasyna sáıkes, túngi ýaqytta dánekerleý jáne iske qosý-jóndeý jumystary júrgizilmeıdi).
Shaǵynaýdan turǵyndaryna apatty qalpyna keltirý jumystary búgin kúndizgi ýaqytta da jalǵasatyny týraly túsiniktemeler berildi.