2025 jyldyń qańtar-shilde aılarynda Almatydaǵy týrısik ınfraqurylymǵa salynǵan ınvestısıa kólemi 92,2 mlrd teńgege jetti. Bul ótken jylmen salystyrǵanda 62%-ǵa artyq. Bul týraly qalanyń týrızm basqarmasy habarlady.
Qarajat jańa qonaq úı nysandaryn salýǵa, qoldanystaǵy ınfraqurylymdy jańǵyrtýǵa jáne qyzmet kórsetý sapasyn arttyrýǵa baǵyttaldy. Munyń bári Almatynyń halyqaralyq týrısik arenadaǵy ornyn nyǵaıta tústi.
Osy kezeńde týrızmnen túsken salyq túsimi 46,9 mlrd teńge boldy. Onyń ishinde qoǵamdyq tamaqtaný salasy – 21,2 mlrd teńge (45,2%), sport jáne demalysty uıymdastyrý – 8 mlrd teńge (17%), ýaqytsha ornalastyrý qyzmetinen 4,6 mlrd teńge (9,8%) túsken.
«Investısıa men salyq túsiminiń ósýi Almatydaǵy týrızm salasynyń qalanyń ekonomıkasyndaǵy negizgi qozǵaýshy kúshterdiń birine aınalyp kele jatqanyn kórsetedi. Bul qarajat ınfraqurylymdy damytýǵa, servısti jaqsartýǵa jáne zamanaýı sapa standarttaryn qalyptastyrýǵa múmkindik beredi», – dep atap ótti týrızm basqarmasynda.
Týrızmdi damytý qonaqtardyń Almatyǵa degen qyzyǵýshylyǵynyń artýyn ǵana emes, sondaı-aq qalanyń júıeli jumysyn da kórsetedi: bızneske jańa múmkindikter jasalyp, qyzmet túrleri keńeıip, zamanaýı standarttar engizilýde. Munyń bári Almatynyń óńirdegi basty týrısik ortalyqtardyń biri retindegi mártebesin nyǵaıtady.