28 qyrkúıekte Almatyda Almaty Marathon ótedí. «Bírínshí bolu – batyldyq» korporatıvtík qory ūıymdastyryp otyrǵan jarys bıyl on tórtínshí ret Respublıka alańynan bastalyp, 60-tan astam elden kelgen 16 myń atlettí bíríktíredí. Osy jyly ekí rekord tírkeldí: 1200-den astam sheteldík qonaq qatysqaly otyr, al 42,2 km marafondyq qashyqtyqqa 1500 adam ótíním berdí.
Respublıka alańynan bastalǵan júgíru baǵyty ál-Farabı dańǵyly boıymen sozylyp, qatysushylar asqar Alataudyń ásem beınesín tamashalaı alady. Jol boıynda Tūńǵysh Prezıdent sayabaǵy, Botanıkalyq baq jáne qalanyń tarıhı mańyzy zor basqa da kóríktí oryndary ornalasqan. Qatysushylarǵa bírneshe tańdau bar: marafon 42,2 km, jartylaı marafon 21,1 km, 10 km qashyqtyq jáne skandınavıyalyq júrís 10 km. Korporatıvtík komandalar úshín «Ekıden» estafetasy ūıymdastyrylady, onda marafon qashyqtyǵy alty qatysushy arasynda bólínedí. Márege jetkenderdíń barlyǵyna estelík medal tabystalady, al negízgí qashyqtyq jeńímpazdaryna aqshalaı sertıfıkat, medal, madaqtama qaǵazdary jáne baǵaly syılyqtar beríledí.
Almaty Marathon jyl saıyn auqymy men qaıyrymdylyq baǵytyn keńeıtíp keledí. Qor qūrylǵan kúnnen bastap qatysushylardyń sórelík jarnalarynan túsken qarjynyń bír bólígí balalarǵa arnalǵan áleumettík jobalarǵa jūmsalyp keledí. Bıyl «Bírínshí bolu batyldyq» qory «AYALA» qaıyrymdylyq qorymen bírlesíp, Shymkent pen Túrkístan oblysyndaǵy ekí perınataldyq ortalyqqa jalpy qūny 106 241 284 teńge bolatyn zamanauı dıagnostıkalyq jabdyqtar tapsyrdy. 14 jyl íshínde qor 370 mıllıon teńgeden asa qaıyrymdy íske demeushí boldy. Olardyń maqsaty sábıler arasyndaǵy múgedektík deńgeıín tómendetu, sportty qoljetímdí etu jáne ūlt densaulyǵyn nyǵaıtu. jańa qaıyrymdylyq bastamalary turaly ūıymdastyrushylar jaqynda jarıyalaıdy.
«Almaty Marathon – Qazaqstandaǵy halyqaralyq AIMS kúntízbesíne engen jalǵyz start. Bíz úshín būl – sportty barshaǵa jaqyndatudyń, eldí álemge tanytudyń joly. Bıyl bíz tarıhymyzdaǵy eń kóp sheteldík qatysushyny qabyldap otyrmyz».
«Bírínshí bolu – batyldyq» korporatıvtík qorynyń sórelerí» – Qazaqstandaǵy halyqaralyq marafondar men jarystar kúntízbesíne (AIMS) kúntízbesíne engen jalǵyz sóre. AIMS – 115 elden 445 marafondy bíríktíretín qauymdastyq. Almaty Marathon – solardyń íshíndegí eń írísí árí qor tarıhy osy sharadan bastau alady. Onyń maqsaty – sportty būqaraǵa qoljetímdí etu. Būl marafon adamdardy bíríktíríp qana qoımaı, turızmdí damytady, bıznestí qoldaıdy jáne eldíń halyqaralyq bedelín arttyrady. Bıyl bíz rekordtyq kórsetkíshke jettík – álemníń 60-tan astam elínen 1200-den astam sheteldík qatysyp otyr», - dedí Qordyń qamqorshylyq keńesíníń tóraǵasy Ǵalymjan Esenov.
Almaty Marathon túrkí elderíníń TAN serıyasyna kíredí, al onyń jarys joldary World Athletics talaptaryna saı sertıfıkattalǵan. Marafon ekologıyalyq standarttarǵa da nazar audarady: bír rettík qūrylymdardy azaıtyp, qaldyqty qaıta óńdeu úshín jergílíktí kompanıyalarmen áríptestík ornatqan. EcoNetWork seríktestígí ınteraktıvtí ekologıyalyq aımaq ornatady. Qatysushylar sórede qajetsíz jyly kıímderín arnaıy orynǵa qaldyra alady, keıín «Jylu» jobasynyń eríktílerí olardy sūryptap, mūqtaj jandarǵa úlestíredí. Qala tūrǵyndary da būl qaıyrymdy íske Botanıkalyq baqtyń kíreberísíne qoıylǵan arnaıy jáshík arqyly atsalysa alady.
«Almaty Marathon bírneshe jyldan berí ınklyuzıvtílígímen, ūıymdastyru sapasymen jáne auqymymen kósh bastap keledí. Bíz sporttyq shara ótkízumen ǵana shektelmeımíz, adamdardy sanaly túrde sportpen shūǵyldanuǵa baulımyz. Jyl boıy A’SU Team by Almaty Marathon tegín jattyǵulary ótedí, qysta 42,2 km qashyqtyqqa tírkelgender úshín ashyq top jūmys ísteıdí. Bıyl bíz Community Almaty Run atty apta saıynǵy kezdesulerdí bastady, onda bírge júgíremíz, dáríster tyńdaımyz, ekologıyadan bastap sportqa deıíngí túrlí taqyryptardy talqylaımyz. Marafon kásíbı sportshylar úshín de, áuesqoılar úshín de ashyq, qoǵamdaǵy oń ózgerísterge yqpal etedí», - dedí Qordyń atqarushy dırektory Saltanat Qazybaeva.
Qatysushylardyń qauípsízdígín Almaty qalasy Polıtsıya departamentíníń ókílderí, bas dáríger jáne ūıymdastyru toby qamtamasyz etedí. Barlyq qashyqtyq boıynda 10 velomedık, 90 medıtsınalyq eríktí, 13 medıtsınalyq beket jáne 12 jedel járdem kólígí qyzmet kórsetedí. Sóre-márede «qyzyl» jáne «sary» aımaqtarǵa bólíngen márelík gospıtal jūmys ísteıdí. Jalpy 70-ten astam dáríger men medıtsına qyzmetkerlerí jūmyldyrylady.
Qatysushylardyń jaılylyǵy úshín jarys boıynda tamaq pen su beketterí, zat saqtaıtyn oryndar jáne kıím auystyratyn bólmeler ūıymdastyrylady. Bıyl alǵash ret ana men balaǵa arnalǵan bólme, áıelderge arnalǵan tolyq jabdyqtalǵan sanıtarlyq toraptar jáne erekshe qajettílígí bar adamdarǵa arnalǵan ájethanalar bolady.