Medeý aýdanynyń Samal-1 shaǵynaýdanynda aleıany abattandyrý jumystary aıaqtaldy. Joba 2025 jylǵa arnalǵan «Halyq qatysatyn búdjet» baǵdarlamasy aıasynda júzege asyryldy. Bul týraly Medeý aýdanynyń ákimdigi habarlady.
Jumys barysynda 1 100 sharshy metr jerge kespe tas tóselip, 2 700 sharshy metr jasyl aımaq pen kógal abattandyryldy. 21 zamanaýı kóshe shamy, 14 yńǵaıly oryndyq pen 14 qoqys jáshigi ornatyldy. Jaıly demalys úshin pergola ornatylyp, sportpen aınalysýǵa arnalǵan vorkaýt-aımaqtar jasaqtaldy.
Aleıa turǵyndar bastamasy men memlekettiń qoldaýy arqasynda serýendeýge, belsendi demalys pen qarym-qatynasqa arnalǵan zamanaýı keńistikke aınaldy.
Aýdan ákimdiginiń málimetinshe, «Halyq qatysatyn búdjet» baǵdarlamasy aıasynda 2025 jyly Medeý aýdanynda 34 joba júzege asyrylyp jatyr. Olardyń ishinde 17 aýla aýmaǵyn abattandyrý, 13 qoǵamdyq keńistikti jańartý jáne 4 ýchaskege avtomatty sýarý júıesin ornatý bar.