Kókpen astasqan asqaq taýlar, erekshe sáýlet, jaıqalǵan jasyl jelek pen kórkem kósheler. Almaty bir kórgen jandy baýramaı qoımaıdy. Mıllıondaǵan turǵyny bar alyp shaharda ómir qaınap jatyr. Qalanyń kóshe qozǵalysy bir sátke de tolastamaıdy.
Osyndaı úlken ári qarbalas qalada tazalyq pen tártipti saqtaý ońaı sharýa emes. Iá, tazalyq eń aldymen ár adamnyń ózinen bastalady. Biraq biz kún saıyn taza kóshede erkin júrip, qoqyssyz aýlalar men jarqyraǵan alańdardy tamashalap júrgenimiz — tynymsyz eńbek etip júrgen qarapaıym jumysshylardyń arqasy ekenin umytyp jatamyz.
Sol sebepti Aqshamnews.kz redaksıasy qala kúni qarsańynda kóbine eńbekteri tasada qalyp qoıatyn jandardyń jumysyn foto jáne aqparattyq materıaldar arqyly nasıhattaýdy jón kórdi.
Tańmen birge oıanatyn tirshilik
Qalanyń ár buryshynda tańǵy salqynmen jumysqa kirisetin tazalyq saqshylary bar. Olar qoqys jınap, gúlderdi sýaryp, jol jıekterin tazalap, aǵashtardy kesip, japyraqtardy sypyrady. Qoldaryndaǵy qural-saımanymen qarýlanǵan bul jandar — qalanyń kórinbeıtin batyrlary.
Qyzǵylt-sary arnaıy kıim kıgen tazalyq qyzmetkerleriniń eńbegi kózge kóp túse bermeıdi. Alaıda qalanyń sanıtarlyq jaǵdaıy men sulýlyǵy tikeleı osy jandardyń jumysyna baılanysty. Kópshilik baıqaı bermeıtin japyraqtyń, qoqystyń artynda da mańdaı ter men jaýapkershilik jatyr.
Táýlik boıy toqtamaıtyn jumys
Qalada tazalyq jumystary táýlik boıyatqarylady. "Almaty Tazalyq" mekemesinińjumysshylary eki aýysymda eńbek etedi:
Ár aýmaqqa jaýapty 20–25 adamnan quralǵan brıgada jumys isteıdi. Biri sypyrsa, ekinshisi arnaıy tehnıkamen trotýarlardy jýady, úshinshisi aǵash butaqtaryn kesip, jasyl jelekti retke keltiredi.
Bir aýmaqta shamamen 20-25 adam jumys isteıdi. Olardyń biri kóshe sypyrsa, biri arnaıy tehnıkamen jaıaý júrginshiler jolyn jýady.
Besaspap maman — Altaı Espenbetov
Altaı Espenbetov 2010 jyldan beri «Almaty Tazalyqta» jumys isteıdi. Aǵash kesý, gúl sýarý, japyraq jınaý sıaqty maýsymdyq jumystardyń bárin birdeı atqara beretin besaspap maman. Ol úshin bul — jaı ǵana jumys emes, qalaǵa degen janashyrlyqtyń kórinisi.
Qalanyń kórkeıýine kúndelikti úles qosyp júrgen jandardyń eńbegi — ólsheýsiz.
Olardyń aıtýynsha, eger ár turǵyn óz júrgen ornyn taza ustap, qoqysyn qoqys jáshigine tastasa, súıikti shaharymyz odan saıyn kórkeıe túser edi.
Qalanyń tazalyǵy men kórkeıýi tek arnaıy mekemelerdiń ǵana emes, ár turǵynnyń jaýapkershiligine baılanysty. Tazalyq úshin kún-tún demeı eńbek etetin qarapaıym jumysshylardyń eńbegin baǵalaý, olarǵa qurmet kórsetý — azamattyq paryzymyz.
Eske sala keteıik, buǵan deıin «eki qolǵa bir kúrek izdegen» jandar úshin «Almaty Tazalyq» mekemesi jumys usynatynyn habarlaǵanbyz. Qalanyń sanıtarlyq tazalyǵyna jaýapty «Almaty Tazalyq» memlekettik komýnaldyq kásiporny óz quramyn keńeıtip, jas qyzmetkerlerdi komandasyna qosýǵa daıyn. Bul múmkindik, ásirese, stýdentter úshin tamasha múmkindik. Bos ýaqytynda qosymsha tabys taýyp, oqýǵa da úlgeremin degen jastar úshin 4 saǵattyq jumys kúni qarastyrylǵan.