21 qyrkúıekte saǵat 10:00-den 19:00-ge deıin Panfılov kóshesi naǵyz bolashaq zerthanasyna aınalady, dep habarlaıdy aqshamnews.kz
Qala kúnine oraı aýqymdy Digital Fest Almaty qala turǵyndaryna basty keıipkerlerge aınalǵan robottardy, ondaǵan sıfrlyq aımaq men keskindeme usynady.
Qonaqtardy bir sátte portret salyp beretin sýretshi-robot, fotograf-robot pen operator-robot qarsy alady. Sıfrlyq keıipkerler kósheni tehnologıa men mádenıet ózara ushtasqan ınteraktıvti alańǵa aınaldyrý arqyly keńistikti jandandyra túsedi.
Robottardan basqa, qonaqtardy drondarmen jáne ınovasıalyq sheshimdermen «Bolashaq salasy», Almaty sımvoly – sıfrlyq alma, VR-oıyndar men jarqyn fotoaımaqtar kútedi.
Digital Fest Almaty – balalarmen birge ýaqyt ótkizip, olardy tehnologıa álemimen tanystyrýǵa, ınteraktıvti oıyndarǵa qatysýǵa jáne merekeniń ahýalyn sezinýge arnalǵan oryn. Sizder ınovasıany ǵana emes, merekelik kóńil-kúı syılaıtyn ónerpazdardyń ónerin de tamashalaısyzdar.