Bul týraly Almaty qalasy ákimdiginiń kásipkerlik jáne ınvestısıalar basqarmasynyń basshysy Berik Soltanbaev málimdedi.
Onyń aıtýynsha, qala ekonomıkasynyń basym bóligi, bul 57,5% shaǵyn jáne orta bıznesti qalyptastyrady. Oǵan ekonomıkalyq belsendi halyqtyń 83%-y jumyldyrylǵan, dep habarlaıdy Almaty-akshamy.kz.
Berik Soltanbaev habarlaǵandaı, qalada barlyǵy 380 myń shaǵyn jáne orta kásipkerlik sýbektisi tirkelgen, bul ótken jyldyń sáıkes kezeńiniń kórsetkishinen 22% - ǵa joǵary (312 784 birlik). Jumys istep turǵan shaǵyn jáne orta kásipkerlik sýbektileriniń sany 323 myńdy quraıdy, bul da ótken jyldyń sáıkes kezeńinen 39% - ǵa joǵary (233 030 birlik). Aıta ketsek, elimiz boıynsha bul kórsetkishte megapolıs birinshi oryndy alyp tur.
"Kásipkerlik bastamanyń arqasynda búginde qala ekonomıkanyń besten bir bóligin el búdjeti kirisiniń tórtten birin qamtamasyz etedi", - deıdi B.Soltanbaev.
- Shaǵyn jáne orta kásipkerlik qala ekonomıkasynyń irgetasy bolyp tabylady. Bıznesti memlekettik qoldaý boıynsha júıeli jumys júrgizilýde. Jańa jumys oryndaryn qurý maqsatynda qarjylyq jáne qarjylyq emes qoldaý quraldarynyń keń jıyntyǵy tartyldy".
"Kásipkerlik bastamanyń arqasynda búginde qala ekonomıkanyń besten bir bóligin el búdjeti kirisiniń tórtten birin qamtamasyz etedi", - deıdi B.Soltanbaev.- Shaǵyn jáne orta kásipkerlik qala ekonomıkasynyń irgetasy bolyp tabylady. Bıznesti memlekettik qoldaý boıynsha júıeli jumys júrgizilýde. Jańa jumys oryndaryn qurý maqsatynda qarjylyq jáne qarjylyq emes qoldaý quraldary qoldanylady".
Kásipkerlikti qoldaý aıasynda qala kelesi sharalardy usynady:
- jeńildikpen nesıeleý (6% - dan 500 mln. teńgege deıin kepil, 12% - dan 6 mln. teńgege deıin kepilsiz);
- qaryzdar boıynsha paıyzdyq mólsherlemeni sýbsıdıalaý (kásipker úshin túpkilikti mólsherleme 8%);
- ınovasıalyq bıznes-ıdeıalardy iske asyrý úshin óteýsiz negizde 5 mln. teńgege deıin memlekettik granttar berý;
- qaryzǵa kepildik berý (85% deıin);
- ınvestısıalyq jobalar úshin jetispeıtin ınfraqurylymdy júrgizý;
- faktorıńtik mámilelerdi qarjylandyrý (8,5% - dan 100 mln. teńgege deıin);
-bıznes-ıdeıalardyń paıda bolýynan bastap qarjylandyrýǵa deıin konsýltasıalyq qyzmetter kórsetý;
- rezıdentteri salyq jáne kedendik tólemderden bosatý túrindegi preferensıalarmen qamtamasyz etiletin ındýstrıalyq jáne arnaıy ekonomıkalyq aımaqtyń aýmaqtarynda jer ýchaskelerin berý;
- SHOK sýbektileri úshin qoljetimdi óndiristik alańdardy usyný (shaǵyn ónerkásiptik parkterde);
- demalys kúnderi jármeńkelerde saýda oryndaryn jeńildikpen jalǵa berý.
Osy memlekettik qoldaý sharalary úshin 2023 jyly 48,5 mlrd.teńge bólindi, búgingi tańda jalpy nesıe somasy 84,9 mlrd. teńgege 1 119 joba qarjylandyryldy.