Qalalyq mobıldilik basqarmasy turǵyndardy baǵytty aldyn ala josparlaýǵa shaqyrdy.
Qalalyq mobıldilik basqarmasy turǵyndardy baǵytty aldyn ala josparlaýǵa shaqyrdy.
Jol jóndeý jumystaryna baılanysty 1 qyrkúıek pen 3 qyrkúıek aralyǵynda Seıfýllın dańǵylynyń keıbir bóligi ýaqytsha jabylady, dep habarlaıdy Almaty-akshamy.kz.
«Seıfýllın dańǵylynda jol jóndeý jumystarynyń júrgizilýine baılanysty 31 tamyz saǵat 23:00 men 1 qyrkúıek saǵat 7:00 aralyǵynda Sátbaev kóshesinen Qurmanǵazy kóshesine deıingi bóliginde; 1 qyrkúıek saǵat 23:00 men 2 qyrkúıek saǵat 07:00 Qurmanǵazy kóshesinen Qabanbaı batyr kóshesine deıingi bóliginde; sondaı-aq 2 qyrkúıek saǵat 23:00 men 3 qyrkúıek saǵat 07:00 aralyǵynda Qabanbaı batyr kóshesinen Bógenbaı batyr kóshesine deıingi bóliginde kólik júrisi tolyq shekteledi», - delingen basqarmanyń habarlamasynda.
Bul jumystar ortasha jol jóndeý jumystary aıasynda josparlanǵan.
Almaty qalalyq mobıldilik basqarmasy qala turǵyndarynan qolaısyzdyq úshin keshirim ótinip, jol júrý baǵytyn aldyn ala josparlaýdy surady.