Almaty bazarlarynyń aýmaǵyndaǵy zańsyz qurylys alańy- shamamen 350 sharshy metr. Bul týraly Almatynyń qala qurylysyn baqylaý basqarmasy habarlady.
Almaty ákiminiń tapsyrmasy boıynsha jospardan tys júrgizilgen tekserýlerdiń nátıjeleri bazarlardyń menshik ıeleri qurylys júrgizýge tipti jer ýchaskelerine ruqsat qujattarynyń joqtyǵyna qaramastan, jalpy saýda alańyn zańsyz ulǵaıta otyryp, saýda pavılondaryn turǵyzǵanyn kórsetti.
Paıda tabý úshin menshik ıeleri pavılondardy jalǵa zańsyz bergen ári olardyń zańsyz ekenin jasyrǵan.
Búginde jumys istep turǵan 60 bazardyń ishinen 37 bazardyń zańsyz ekeni anyqtaldy, olarǵa ákimshilik sıpattaǵy sharalar qabyldandy.
Sonymen qatar, zańsyz pavılondar salý esebinen bazarlardyń jalpy saýda alańy edáýir ulǵaıǵan.
Máselen, olardyń 7-i boıynsha ishinara buzý týraly sot sheshimi bar, olar myna bazarlar:
- «Kárim», zańdy turǵyzylǵan saýda obektileriniń jalpy aýdany 900 m2 quraıdy, bul rette zańsyz turǵyzylǵan obektiniń kólemi 480 m2 ;
- «Kóterme saýda» bazary, jalpy aýdany 15000 m2 quraıdy, onyń ishinde zańsyz obektiler 6000 m2 , memlekettik qordyń jerlerin basyp alý kólemi - 638 m2;
- «Arystan», jalpy saýda alańy 7 753 m2, zańsyz obektiler 2143,37 m2; memlekettik qordyń jerlerin basyp alý kólemi - 505 m2 ;
- «Tıgrohaýd», jalpy saýda alańy-7075 m2, zańsyz obektiler 3307,4 m2, memlekettik qordyń jerlerin basyp alý kólemi - 875 m2 ;
- «Úsh qońyr», jalpy saýda alańy-6200 m2, zańsyz obektiler 4997 m2, memlekettik qordyń jerlerin basyp alý kólemi - 1242 m2 ;
- «Semırecheý-Jetisý», jalpy saýda alańy - 142 034 m2, zańsyz obektiler 54 732 m2;
- «Bak orda», jalpy saýda alańy - 76 530 m2, onyń ishinde zańsyz obektiler 6000 m2.
Osylaısha, joǵaryda atalǵan bazarlardyń menshik ıeleri zańsyz pavılondar esebinen jalpy saýda alańyn orta eseppen úshten birge ulǵaıtqan.
Qazirgi ýaqytta «Bak orda» jáne «Kóterme saýda» bazarlary boıynsha zańsyz salynǵan saýda obektilerin súrý bastaldy. Taǵy 30 bazar boıynsha sot organdaryna talap-aryzdar beriletin bolady.