Mamandar jylytý maýsymyna daıyndyǵy týraly aıtty.
Almaty qalasynyń bilim berý, densaýlyq saqtaý jáne turǵyn úı qory obektileriniń qysqy jylytý kezeńine daıyndyǵy 100%-dy quraıdy, dep habarlaıdy Almaty-akshamy.kz.
Komýnaldyq qyzmetter aldaǵy jylytý maýsymyna daıyndyqty aǵymdaǵy jyldyń mamyr aıynda bastady, jumystar bekitilgen kestege sáıkes júrgizildi. 413 bilim berý, 129 densaýlyq saqtaý obektisi jáne 8 476 turǵyn úı qorynyń obektisi daıyndaldy. «Almatyjylýjaınergo» JSHS qazandyqtarynda kómir men mazýttyń qory 100%-dy quraıdy. «AlES» AQ (JEO-1,2, BJK) energıa kózderinde kómir qory 118%-dy jáne mazýt 118%dy quraıdy.
Sondaı-aq, aǵymdaǵy jáne josparly jumystar, onyń ishinde tozýdy tómendetý maqsatynda qoldanystaǵy jelilerdi rekonstrýksıalaý jumystary oryndaldy.
Jylytý maýsymyn daıyndaý jáne ótkizý qaǵıdalaryna sáıkes qalany jylý júıesine qosý syrtqy aýanyń belgilengen ortasha táýliktik temperatýrasy +8°S jáne odan tómen bolǵanda bes táýliktiń ishinde júrgiziledi.
Birinshi kezekte jylýǵa densaýlyq saqtaý, bilim berý ǵımarattary jáne ózge de áleýmettik obektiler qosylatyn bolady. Sodan keıin jylý kóp páterli turǵyn úılerge beriledi.